තව විනාඩි පහලොවක් විතර යද්දි ගෙදර ඔක්කොම එකතු වෙලා හිටියෙ කෑම මේසෙට. හැබැයි ඉතින් වෙනද වගේ නෙවෙයි අද සද්ද බද්ද අල්ට්රා ෆ්රෝ මැක්ස් එකෙන්ම තියෙනව . කට්ටියගෙ කටවල් ටික එකතු උනාම අම්මෝ ඉතින් දෙමලු පඩි ගත්තා වගේ තමා .
කච කච ගගා අවුරුදු ගානක ඉදන් කට්ටියව අදුරනව වගේ හරි හරියට කියවන ටානියා ; වෙනදට වඩා ටිකක් සද්දෙන් හිනා වෙවී පණ්ඩිත පප්පා වගේ කියවන මගෙ ගොබිලා ; අම්මා උයපු කෑමකට ඇද කර කර අනම් මනම් කියව කියව ඉදල ඒකෙන් චූටි කෑල්ලක් කෑවාම රස වැටිලා අම්මගෙ රැවුම් ගෙරවුම් තකන්නෙ නැතුව කැත හිනාවක් දාගෙන කෑම එකට වැඩේ දෙන අප්පච්චි ;
( අප්පච්චිගෙ හොර මූණෙ බැල්ම ඔය වගේ මවාගන්න. )
අත්තම්මා අහක බලනකම් ඉදලා අත්තම්මගෙ පිඟානෙ තිබ්බ කජු මද ටිකට වැඩේ දුන්න සීයා ; හොරෙන් හොරෙන් මේසෙ යට ඉන්න පූස් හැත්තට කුකුල් අඩු , බැදපු සාලයෝ මාලු තසිම් ටිකෙන් උස්සන අක්කා ; නැව ගිලුනත් බෑන් චූන් තව ගිලුනොත් තවත් චූන් වගේ ඕනි එකක් කට්ටියට කියවන්න කියල මුරුත්තාව හැදෙනකම් ගිලින මගෙ අතිජාත පජාත මිත්රයා රුකා ; අම්මෝ , අද ගෙදර ඉන්න මිනිස්සු ගොඩ !
සීතම්මයි , රමණි අම්මයි දෙන්නා නම් කෑම පාර්සල් ටිකකුත් බැදගෙන ගෙදර ගියා තව රෑ වෙන්න කලින්. නැත්තන් එයාලත් මෙතන ඉන්න තිබ්බා. එහෙනම් තව සද්දෙයි මෙතන . ඒත් අයියත් හිටිය නම් !මට අද වෙනදට වඩා අයියව මතක් වෙන්න අරන් උදේ ඉදන්ම . උදේට වඩා දැන් මට ඒකව මතක් වෙන්නෙ අම්මගෙ බටු මෝජුව දැක්කාම . අයියගෙ ආසම කෑම තමා අම්මා අතින් හැදෙන බටු මෝජුව . අනේ ඒකා හරි පෙරේතයි අප්පා මේවට .
YOU ARE READING
හිතුවක්කාර 🔥 ( Yizhan ) Complete ✅
Fanfictionහිතුවක්කාරයෝ දෙන්නෙක් එකට මුණගැහුනාම කොහොම තියේවිද 🤷🥀