Tortured Genius

Chapter 9: Jack Of All Trades

EINDREID

"I was very disappointed." saad ni Sir Lucho , ang oral communication naming teacher na ngayo'y nagsasalita sa harapan. Tahimik lang naman kaming lahat na nakikinig sa kaniya. Monday ngayon pero ang init ng ulo niya ang agad na sumalubong sa amin. 

"Konti lang sa mga grade 11 ang pumunta sa Audition for Radio and TV Broadcasting last Saturday. I expected too much from you all because of the idea that most of you have journalism backgrounds in junior high school." dugtong niya pa. Ibinaba niya muna ang lapel niya nang tila mairita siya sa boses niya rito. Ngayon lang kasi nag-lapel, at sa tingin ko, hindi siya compatible doon. Nilibot niya ang paningin sa classroom.

"Dahil diyan, inire-require ko na um-attend ako sa susunod na Audition. Lahat ng grade 11. Ang hindi pumunta, mawawalan ng 100 points for the Performance Task. Your attendance is a must. I don't want to hear any excuses." saad niya at binuksan na ang powerpoint na idi-discuss niya. Ngumiti na siya.

"Let's proceed to the discussion." saad niya gamit ang tono ng pagtuturo. For a teacher, he's really jolly and um, mataray. Gay nga kasi. Pero ang teaching skills niya, impressive talaga. Although medyo nakonsensya ako kasi na-disappoint namin siya sa hindi pagpunta sa audition for broadcasting last Saturday. Actually, I'm interested to join kasi meron na naman akong background sa Journalism.

Nung Grade 10 ako, isa akong scripwriter ng English TV Broadcasting sa school namin. Kilala kasi 'yung school namin sa filming talaga lalo na't kami lang 'yung nangingibabaw sa West. We even had our film until the international level. Kung tutuusin kasi, nagtipon-tipon lahat ng manghahakot dito sa East, pero hindi naman kami nagpapatalo. Ang kaso nga lang, nung DSPC na, nagkaroon ng aberya 'yung grupo namin at nawala 'yung mga files sa aming mga flashdrive. Ang labas tuloy, sobrang ni-rush 'yung output. Pero mas ayos naman na 'yon, kaysa sa mga na-disqualified dahil hindi nakatapos on time. Kahit wala kaming place, atleast, napasa 'yung output namin.

Naalala ko pa nga dati, na-disqualify 'yung kalaban namin na taga University of Tallis. Aaminin ko, magaganda outputs nila. Pero 'yung Filipino Team, hindi nakatapos on time. Dapat nga ay deduction lang ang mangyayari, kaso may nagreklamo na adviser kaya ayon, nagalit ang judge at dinis-qualify sila. Malaking dagok din 'yon sa kanila kasi tinitingala sila ng karamihan. 

Lesson learned. Dapat tinutupad ang kasabihan ng Campus Journalism na, "Hitting the target, beating the deadline." At tsaka, kung alam mo narin kasing hindi mo nagawa nang tama 'yung pinapagawa sa'yo, huwag ka nang magreklamo. Mas lalo lang lalala ang sitwasyon.

Ang alam ko noon, may isa ring paaralan sa West na nakikipagsabayan sa University of Tallis sa kategoryang English. Actually nga, nasa third place sila for English TV Broadcasting Team tapos 'yung Filipino Team naman nila, disqualified din. 

First ang English Team ng University of Tallis, tapos second Letran, and then third ay 'yung paaralan nila. Ang pangalan ata ng school ay PANHS. Nakalimutan ko nga lang 'yung P at A kung anong ibigsabihin. Sa kasamaang palad, hanggang second place lang ang kinukuha para sa RSPC. 

Kilala raw ng mga kagrupo ko 'yung myembro ng grupo mula sa PANHS kasi raw dahil kay Sir Ron, 'yung adviser namin. Katulong niya kasi 'yung video editor ng grupo na 'yon noong seminar nilang mga teachers para sa TV Broadcasting nung bakasyon,  naging magkagrupo sila at napanalo nila ang ang Technical. Partida, andoon din ang University of Tallis.

Nasaan na kaya 'yung video editor ng PANHS? Magti-TV Broadcasting kaya ulit siya ngayong year? Lalaki kaya 'yon? Sana naman pogi. Ang cool kasi pag 'yung isang lalaki ay techy. Parang geek lang pero para sa akin, ang laking turn on no'n. 

Napailing-iling nalang ako at napapatawa sa aking isipan. Ano na naman ba 'tong kalokohan sa isip ko?

Inilagay ko ang aking mga kamay sa ilalim ng aking baba habang nakikinig kay Sir. Si Janina, at 'yung iba naming kaklase, nagsta-start nang magtake ng notes. Pansin ko naman na si Chord, nakasandal lang din sa upuan niya habang nakatingin kay Sir Lucho. She's playing her ballpen between her fingers. Hindi niya nga ugaling magsulat.