ဝသန်ကာလ၏ ပထမဆုံးရက်ဖြစ်သည့် ဇွန်လ (၁)ရက်နေ့သည် အထက်တန်းကျောင်းများ စတင်ဖွင့်သည့် ရက်ဖြစ်သည်။ နွေလသုံးလအတွင်း၌ တိတ်ဆိတ်ခြောက်ကပ်နေခဲ့သော ကျောင်းတော်တို့သည် အဖြူအစိမ်းဝတ်ကျောင်းသူကျောင်းသားတို့ဖြင့် တစ်ဖန်အသက်ဝင်လှုပ်ရှားလာသည်။ ဇွန်လသည် မိုးရာသီဖြစ်သော်လည်း ပထမဆုံးရက်၌ နေသာနေလေသည်။ ခန်းစီးလိုက်ကာ ဖြူဖြူတို့တပ်ထားသည့် ပြတင်းပေါက်မှ အလင်းရောင်တို့သည် အခန်းအတွင်းသို့ ဖြာကျကာ နူးညံ့လတ်ဆတ်နေလေသည်။ ကျောင်းသား/သူတို့သည် မိမိတို့အားလပ်စဉ်က အကြောင်းအရာများကို ပြန်လည်ပြောဆိုနေကြသဖြင့် အခန်းအတွင်း၌ ဆူညံ့နေလေသည်။ ကျောင်းမတက်သေးတာကြောင့် ကျောင်းသား/သူများသည် ဆော့ကစားနေဆဲဖြစ်သည်။
တန်းခွဲ A စာသင်ခန်း၏ ညာဖက် သုံးတန်းမြောက် ပြတင်းပေါက်ဘေး၌ ကျောင်းသူတစ်ဦးသည် သူ၏ မှတ်စုစာအုပ်၌ စာရေးနေပြီး ဆူညံနေသော အတန်းနှင့် လုံးဝကွဲပြားနေလေသည်။ ဖြောင့်စင်းနေသော ဆံပင်ကုတ်ဝဲကို ကလစ်သေးသေးလေးဖြင့် ညှပ်ထားတာကြောင့် ပြောင်ရှင်းနေသော မျက်နှာနုနုလေးက ထင်သာနေသည်။ သူသည် စာကိုသာ အာရုံစိုက်လုပ်နေတာကြောင့် တခြား မည်သူကမှ နှောင့်ယှက်ခြင်း မပြုကြပေ။
" ဟေး မြတ် ဒီနှစ် ငါနင့်ဘေးမှာ ထိုင်မှာနော် " ဆံပင်ရှည်ကို ကျစ်ဆံမြီးကျစ်ထားပြီး မျက်မှန်လေးတပ်ထားသော ကောင်မလေးတစ်ဦးသည် သူ၏ အိတ်ကို စာရေးခုံပေါ်ပစ်တင်ရင်း ပြောလိုက်သည်။ သူသည် ပထမဆုံးရက်၌ ကျောင်းနောက်ကျမည်စိုး၍ အသည်းအသန်ပြေးလာရသည်။ထို့ကြောင့် သူ၏အသံ၌ မောဟိုက်သံတို့ပါနေသည်။
မြတ်သည် ဟန်နွေရာအား တစ်ချက်ကြည့်လိုက်ပြီးနောက် ရေးလက်စ စာကိုသာ ပြီးအောင် ရေးနေလိုက်သည်။ လျစ်လျူရှုခံလိုက်ရသော ဟန်နွေရာသည် နှုတ်ခမ်းဆူလျက် တတွတ်တွတ်ပြောနေကာ ဘေး၌ ဝင်ထိုင်လိုက်သ ည်။ သူသည် မြတ်၏ လျစ်လျူရှုတတ်သော စရိုက်နှင့်အသားကျနှင့်နေပြီးဖြစ်သောကြောင့် ထိုအစား အတန်းထဲကိုသာ စူးစမ်းလိုက်သည်။
"မြတ် ရှင်းလက်ျာကို တွေ့မိသေးလား?"
" ပထမဆုံးတန်းမှာ ထိုင်နေတယ် "
YOU ARE READING
မင်းသည်သာ ကိုယ့်ရဲ့ မြတ်နိုးရာ [You are the cause of my Euphoria]
Non-FictionName- You are the cause of my euphoria Main Characters - မြတ်၊ သက်လျာကျော် Side Characters -ရှင်းလက်ျာ၊ ဟန်နွေရာ Chapter - 37 completed Both Unicode and Zawgyi Version are available 《 မေတ္တာဆို အလျားအနံတော့ မရှိပေမဲ့ အသွားအပြန်တော့ ရှိတတ်တာပဲလေ...