မင်းသည်သာ ကိုယ့်ရဲ့ မြတ်နိုးရာ [You are the cause of my Euphoria]

အပိုင်း ( ၃၀ )

"အဲလို လုပ်လို့ မဖြစ်ပါဘူးဆို။ ဒါက အနည်းဆုံး အဆင့်သတ်မှတ်ချက်တွေ မပါရင်တောင် 3 star အဆင့်လောက်တော့ ရှိသင့်တယ်မလား? နေရာထိုင်ခင်းတွေရဲ့ အရောင်ကို သဘာဝအရောင်တွေ ပိုသုံးသင့်တယ်မလား? ဒါက စီးပွားဖြစ်ဟိုတယ်မှ မဟုတ်တာ။ အပန်းဖြေဟိုတယ်လေ"

" အဲပြသနာကို ထားလိုက်ဦး ။ ပထမဆုံး လာလည်တဲ့သူတွေအတွက် ဝန်ဆောင်မှုပေးတဲ့ အရာတွေကို သင်တန်းပြသ‌ထားပေးဖို့ကို အရင်စဉ်းစားပေးဦးလေ"

"ဟိုတယ် website မှာ တင်ဖို့ ကြောငြာဓာတ်ပုံတွေ ရိုက်မယ့် ဓာတ်ပုံဆရာကို မရှာရသေးဘူး "

   မြတ်၊ ရှင်းလက်ျာနှင့် မှူးသာကျော်က မပြေလည်သော ပြသနာများကို ရှင်းနေကြရင်း သူတို့သည် စကားပင် များလာကြသည်။ ဒါကို အခုမှ မဟုတ်။ နေ့တိုင်းလိုလို အချင်းများကြခြင်း ဖြစ်သည်။
"ကြောညာရိုက်ဖို့ မော်ဒယ်ခေါ်ကြရင်  ကောင်းမလား?"
မှူးသာကျော်က ဆိုရှယ်မီဒီယာပေါ်က ‌ဟိုတယ်ကြော်ညာတစ်ခုကို ပြရင်း ဆိုသည်။

"ရူးနေတာလား? ငါတို့ကို ချပေးထားတဲ့ ဘတ်ဂျက်က မော်ဒယ်ငှားရလောက်တဲ့အထိ မများဘူးလေ "

" ဒီတိုင်းရိုးရိုး ကြောငြာတာထက် နာမည်ကြီးတွေကို ခေါ်ရိုက်တာက ပိုအကျိူးရှိတယ်။ အဓိက,က  ငါတို့ချထားတဲ့ target ကို ရောက်ဖို့ပဲမလား?အခုလည်း တော်တော်များများက ပြင်ဆင်ပြီးသွားပြီ။ ဝန်ထမ်းခန့်အပ်ဖို့ လူရွေးတာတောင် လုပ်ပြီးပြီဆိုတော့ ကျန်နေတဲ့ ဘတ်ဂျက်ကို နည်းနည်းသုံးရမယ်။ "

" အွန်လိုင်းနာမည်ကြီးတွေ ဆိုရင်ရော၊။ သူတို့က social media ပေါ်မှာ အတော်လေးသက်ရောက်မှုများတယ်။ "

"အခုခေတ် ဆယ်လီတွေက ပေါကြောင်ကြောင်တွေများတယ်။ မလိုလားတဲ့ သက်ရောက်မှုတွေ ရှိလာနိုင်တယိ"

"ငါတို့ သေချာလေး ရွေးလို့ရတာပဲလေ၊ ပြီးတော့ အဲတာကို ငါတို့ ဆွေးနွေးပြီးရင် ဦးလေးကို အကြံတောင်းကြည့်မယ်လေ၊ ဘယ်လိုလဲ"

"မြတ် နင့်အဖေနာမည်နဲ့ လိုက်ရှာကြည့်ပါလား?"
ရှင်းလက်ျာက မကြာသေးခင်က တင်ထားသော mega လုပ်ငန်းစုခွဲတစ်ခု၏ အခမ်းအနားတစ်ခုက ပုံရိပ်တစ်ချို့ကို ကြည့်ရင်း ပြော၏။