ဂျဲန်းနဲ့လီဆာရဲ့ စကားများတဲ့အဖြစ်က ညကတည်းကဖြစ်လာတာ မနက်ရောက်တဲ့အထိ အဆင်မပြေသေးပေ။ အထွေအထူးဘာမှမဟုတ်ပေမယ့် ဂျဲန်းကစိတ်ကောက်ပြီး သူ့ကိုစကားမပြော။ ကြာတော့လီဆာမနေတတ်ဖြစ်လာသည်။ ကုတင်ရဲ့ဘေးအစွန်ကိုတိုးကပ်အိပ်ပြီးကျောပေးထားတာကြောင့် ဂျဲန်းရဲ့အနားသို့တိုးလိုက်ကာ နောက်ကနေ ခါးလေးကိုဖက်လိုက်သည်။ ဖတ်ခနဲမြည်သံနှင့်အတူ လီဆာ့လက်ကလေးနာသွားရသည်။ သို့ပေမယ့် ခါးကိုဖက်ထားသောလက်များကိုတော့မဖယ် တိုး၍သာဖက်ထားလိုက်တော့ ထိုလက်များကိုဂျဲန်းကဆိတ်ဆွဲလာသည်။
သူမရဲ့လက်ကလေးများကို ချုပ်ထားလိုက်ပြီး ခန္ဓာကိုယ်သေးသေးလေးကို လီဆာ့ဘက်သို့လှည့်စေလိုက်တော့ ဒေါသအနည်းငယ်ပါဝင်သော အကြည့်စူးစူးလေးများကို လက်ခံရရှိလိုက်သည်။ နမ်းဖို့ပြင်လိုက်တော့ မျက်နှာကိုတခြားဘက်သို့လှည့်လိုက်သည့် ဂျဲန်းနီကြောင့် လီဆာစိတ်လျော့ချလိုက်လေသည်။
" မောင်က အားနာလို့ပါ အချစ်ရယ် "
" ရှင်နဲ့ ကျွန်မက ဘာတော်လဲ "
" ဂျဲန်းက မောင့်ရဲ့မိန်းမ မောင့်ရဲ့ဇနီးလေ "
" ကျွန်မပိုင်တဲ့ ပစ္စည်းက ရှင့်ပစ္စည်းပဲ မဟုတ်ဖူးလား... အဲ့ဒါကိုရှင်က မယူချင်ဘူးဆိုရအောင်...ကျွန်မနဲ့ပတ်သက်တာတွေကို ရှင်ကလက်မခံချင်ဘူးဆိုရင်လည်း ကျွန်မကိုပါလာမပတ်သက်နဲ့ သွား...ကျွန်မကိုမထိနဲ့"
နယ်ပြန်ဖို့အတွက် ကားလက်မှတ်လှမ်းမှာနေတဲ့အချိန် ဂျဲန်းနီကြားတော့ ကားလက်မှတ်ဘာလို့ဖြတ်နေမှာလဲ ဂျဲန်းရဲ့ကားကိုယူသွားလေဟု သူမကပြောလာသည်။ ဒါကို လီဆာကလက်မခံမိ။ ဘယ်လိုပဲ ဂျဲန်းရဲ့ကားဖြစ်နေပါစေ မိဘဝယ် ပေး ထားတာမလို့ လီဆာယူသုံးဖို့စိတ်ထဲသိပ်ဘဝင်မကျ။ ချမ်းသာသည့်သူဌေးသမီးနဲ့လက်ထပ်လိုက်တာကြောင့် လီဆာ့ကိုပြောလာကြမှာကိုစိုးသည်။ ဂျဲန်းနီက ကားကိုယူသွားရန်ပြောပြီး လီဆာက လက်မခံတဲ့ကိစ္စနဲ့ ညကတည်းကစကားများလိုက်တာ ဒီမနက်အချိန်ထိပင်။ ဘယ်လိုမှပြန်ချော့လို့လည်းမရ ကောက်ကွေးလေး ဂျဲန်းနီကင်မ်ကြောင့် လီဆာစိတ်မောကာသက်ပြင်းလေးချလိုက်ရသည်။
YOU ARE READING
You're all I want (Completed)
Fanfictionကျွန်မအတွက်တော့ အချစ်ဆိုတာ ဂျဲန်းနီကင်မ်ပဲ သူပျော်ရွှင်ဖို့အတွက်ဆို အရာအားလုံးကိုစတေးရဲတယ် လာလီဆာမာနိုဘန်
