Unicode
.
.
'ဒေါက် ဒေါက်' (တံခါးခေါက်သံ)
ဆေးရုံအခန်းတံခါးအပြင်မှ အသံအားဂျွန်အသံပြန်ပြုကာ တုံ့ပြန်လေသည်။
"ဝင်ခဲ့ပါ''
အခန်းတံခါးပွင့်အာလာ၏။ ဂျွန်တံခါးပေါက်သို့လှမ်းကြည့်သည့်အခါ တက်ဒီအားတွေ့ရလေသည်။ မျက်ခုံးနှစ်ခုကထိစပ်တော့မည့်ဟန်ဖြင့် အံတင်းလျက်ဂျွန့်အားစိုက်ကြည့်နေသည့်တက်ဒီကြောင့် ဂျွန်ပြုံးမိလေသည်။
တက်ဒီသည် ဂျွန်နှင့်တက္ကသိုလ်ကျောင်းနေဖော်များဖြစ်ကြသည်။ စီးပွားရေးတက္ကသိုလ်ကို အတူတူတက်ခဲ့ကြပြီး ဆယ်ကျော်သက်အရွယ်မှ ယခုလုပ်ငန်းခွင်ထဲအထိဆယ်နှစ်ကျော်ကြာအတူရှိနေကြသည့်အရင်းနှီးဆုံးသူငယ်ချင်းဖြစ်ကြ၏။ ဂျွန်၏အတွင်းရေးကိစ္စမှန်သမျှ တက်ဒီမသိသည်ရှားသလို တက်ဒီ၏မိသားစုအရေးကိစ္စများကိုလည်းဂျွန်သိထားလေသည်။ ထိုကဲ့သို့အပြန်အလှန်ရင်ဖွင့်ဖေးမနေကြသောဤလူနှစ်ဦးကအရင်းနှီးဆုံးသူများဖြစ်နေကြသည်မှာမဆန်းပေ။
"မင်း...''
တက်ဒီက စကားဆက်မဆိုတော့ဘဲ သက်ပြင်းအရင်ချလေသည်။"ဂျွန်..ဂျွန်..မင်းတော့ဆေးမမီတော့ဘူးပဲ..ဟမ်''
တက်ဒီကဂျွန့်အား မေးမော့လျက်ထေ့ငေါ့ကာစကားဆိုသည်။
"ဆိုပါတော့''
တက်ဒီက ဂျွန့်ကုတင်အနားသို့လှမ်းလျောက်လာပြီး မတ်တပ်ရပ်လျက် လက်ပိုက်ကာတရစပ်ဆိုတော့၏။
"ကျစ်..ကျစ်''
"မင်းမသေသေးတာငါဝမ်းသာတယ်''ဂျွန်တစ်ယောက် တက်ဒီ၏ စကားလုံးများနှင့်အသားကျနေပြီးသားမို့ ခပ်ပြုံးပြုံးဖြင့်သာနေ၏။
"ကျေးဇူးပါကွာ..ငါ့မှာအားကိုးစရာဆိုလို့ ဒီလိုသောက်ရမ်းချစ်ဖို့ကောင်းတဲ့ဘဲကြီးရှိနေတာပဲ''
တက်ဒီကဂျွန့်အားမျက်စောင်းထိုးလိုက်သည်။
"မင်းကလေ အရင်ကတည်းကငါသိတဲ့ဂျွန်ပဲ၊ တခုခုဆို သောက်ရမ်းခေါင်းမာတာ၊ မင်းဆံဖြူတော့မှကလေးပေါက်စနဲ့နှစ်ပါးသွားဖို့ကြံနေရလား၊ ဟမ်..ငလူး* ဒီလိုပျိုတိုင်းကြိုက်တဲ့နှင်းဆီခိုင်ကြီးက ဘာကြောင့်ဂေးချင်နေရတာလဲငါမပြောတတ်တော့ဘူး''
ΔΙΑΒΑΖΕΙΣ
ARE YOU 18? [COMPLETED]
Ρομαντική[Novel_Own Creation] Started Date: Aug 21, 2021 Ended Date: Feb 13, 2022 Total Chapters - 32 Unicode & Zawgyi A story of two guys 10 years apart. အသက်၂၉နှစ်အရွယ် ဒါရိုက်တာဂျွန် နဲ့ သြစတေးလျမှာတက္ကသိုလ်သွားတက်တဲ့ နိုအာလို့ခေါ်တဲ့ မြန်မာကကောင်လေးတို့...