South Boys #4: Troublemaker

Chapter 12

"BALIW KA BA?"

"Medyo lang. Ano, tatanggapin ko nga ang sorry mo, pero dapat halikan mo ako."

Pinandilatan ko siya. "Are you flirting with me?"

Lalo siyang ngumisi. "What if I am?"

Bumagsak ang panga ko. Para akong nahihipan ng hangin na nakatulala sa kanya.

Ano bang problema ni Hugo? Bakit siya ganito? Bakit kahit pilyo ang tono ng kanyang pananalita ay ang lambing ng kislap ng mga mata niya?

Thank goodness, my sanity kicked in after a few seconds. Nang ilapit niya ang mukha sa akin ay tinampal ko siya sa pisngi. Natatawang hinila niya ako sa balikat hanggang sa bumagsak kaming dalawa sa kama.

"Ano ba, Hugo?!"

Binitiwan naman niya ako habang natatawa pa rin siya. Para siyang tanga.

At parang tanga rin ako dahil namalayan ko na lang na natatawa na rin ako. Nakakahawa kasi ang ka-abnormalan niya.

"Ano, Herrera, halikan mo na ako." Hindi pa rin siya tumitigil sa pangungulit.

Kung ibang tao siguro, at kung ibang pagkakataon ay baka nabuntal ko na siya dahil sa sinasabi niya, pero siya si Hugo at ito ang sitwasyon namin. Walang may alam kung anong klaseng sitwasyon ito at wala rin kaming balak alamin.

Kumatok si Dessy sa labas ng pinto. "Hoy, Hugo! Dadating ate ko mamaya kasama bagong BF niya, gagamitin nila itong kuwarto!"

Bumangon si Hugo at iniwan ako sandali na nakahiga sa kama. Nakahabol lang naman ako ng tingin sa kanya. Pinagbuksan niya si Dessy pero hindi niya niluwagan ang pagkakabukas ng pinto para hindi ako makita.

"O may sariling kuwarto naman ate mo, ah?!" singhal niya kay Dessy na akala mo siya ang may ari nitong bahay kung magalit siya. Nakapamewang pa siya.

"Hindi puwede sa kuwarto niya kasi may mga gamit don iyong ex niya, di niya pa naaalis. Baka makita ng BF niya ngayon at mag-away pa sila."

"Problema na iyon ng ate mo."

Tumaas ang boses ni Dessy. "Tangina naman, Hugo! Magagalit sa akin ate ko e!"

"E di sa kuwarto mo sila. Doon muna kayo sa sala tumambay ng syota mo, mag-b-break na rin naman na kayo niyan di ba? Nakita ko iyan sa plaza kahapon, may kandong na babae. Papalitan ka na."

"Gago!" sigaw ni Dessy. "Sino ba kasi kasama mo riyan sa loob? Nakarat mo na siguro 'yan, doon na muna kayo sa sala!"

Nakita ko ang pagdilim ng ekspresyon ni Hugo. "Sige aalis ako rito. Pero bayaran niyo iyong 5K na hiram ng ate mo sa akin na binayad niyo sa kuryente last month. Akina, balik niyo! Pambili ko iyon ng juice iyon saka piyesa sa motor! May tubo iyon, limangdaan!"