" ဘာ..!! ဂျို..ဂျိုဆွန်ခေတ်?.. "
ကျွန်တော် 10ခါပြန် အံသြမိသည်။ ဘယ်လိုလုပ်ပြီးကျွန်တော်က ဂျိုဆွန်ခေတ်ကိုရောက်သွားရတာလဲ..? ။ ဒါမှမဟုတ် အချိန်ပြောင်းပြန်လည်နေတာလား..?
မဖြစ်နိုင်ပါဘူး...။ အချိန်ပြောင်းပြန်လည်တာတို့ အချိန်ခရီးသွားတာတို့ဆိုတာ အဂ်လိပ်ကားတွေထဲမှာပဲ ရှိတာလေ..။ ဒါမှမဟုတ်ဟိုကောင်လေး လိမ်ပြောနေတာလား..။
" ဟျောင့်...မင်းမှန်မှန်လိမ်...အဲ..ဟုတ်ပါဘူး...မှန်မှန်ပြော လို့ပြောတာ.. "
ကျွန်တော်မေးနေတာကို ထိုကောင်လေးမှ ခေါင်းကုတ်ပြီး မျက်စိကလယ်ကလယ်နဲ့..
" ကျွန်တော်မလိမ်ပါဘူးသခင်လေး... အမှန်အတိုင်းပြောတာပါ... "
ထိုကောင်လေးကြည့်ရတာလည်း အူတူတူနဲ့ လိမ်နေပုံမရပါဘူး..။ ဒါဆို ကျွန်တော်တကယ်ပဲ ဂျိုဆွန်ခေတ်ကိုရောက်နေတာပေါ့..။
" ဗြဲ.....ငါဂျိုဆွန်ခေတ်ကိုရောက်နေတာပေါ့..ဗြဲ..ဟင့်အင်း... "
ခြေအထောက်နှစ်ဖက်ကို အားနဲ့ကန်ပြီး အာပြဲကြီးနဲ့ မရှိတဲ့မျက်ရည်ကိုကျွန်တော် ညှစ်ထုတ်နေမိသည်။ ဘာလဲ ကျွန်တော်ကဒီလို ဖုန်းမရှိ TVမရှိ တဲ့ခက်ပေါပေါနေရာမှာနေရမှာလား..။
မစနဲ့နော်...ငါငိုချင်လာပြီ..
" ဗြဲ....အကိုလေး ခေါင်းထိပြီးဘာမှမသိတော့ဘူးလား...ဗြဲ....အကိုလေးသနားပါတယ်.. "
ကျွန်တော် ငိုနေရင်း အနောက်ကလိုက်ငိုတဲ့ ထိုကောင်လေး..။ ကျွန်တော်ထက် ၂ဆကျယ်တဲ့အသံနဲ့ အော်ငိုနေတာဗျာ..။ မျက်ရည်တွေကလည်း ဘူးသီးလုံးလောက်ကျနေရော...
ကျွန်တော်လည်း ထိုကောင်လေးကိုမသိပေမဲ့ သူငိုနေတာနားညီးတာကြောင့်...
" ဟိတ်..ဟိတ်..တိတ်တော့...နားညီးတယ် "
" ဟုတ်သခင်လေး...ဟင့်.. "
ထိုကောင်လေးက ကျွန်တော်ကိုသခင်လေးလို့ခေါ်တာပဲ..။ အင်း....အဲ့တာဆိုသူက ကျွန်တော်ရဲ့ အခြွေရံတစ်ယောက်ဖြစ်ရမယ်။ ကျွန်တော်လဲ နန်းတွင်းကားတွေကြည့်ဖူးတော့သိတာပေါ့ဗျာ..။
ဒါနဲ့ ထိုကောင်လေးက ကျွန်တော်ရောက်နေတဲ့ ဒီခန္ဓာကိုယ်ပိုင်ရှင်အကြောင်းသိမယ်ထင်တယ်...။ နည်းနည်းစပ်စုကြည့်မှ...
YOU ARE READING
𝑴𝒚 𝒏𝒂𝒎𝒆 𝒊𝒔 𝒌𝒊𝒎 𝒕𝒂𝒆𝒉𝒚𝒖𝒏𝒈
FanfictionKim Taehyung ဆိုတဲ့ဂနာမငြိမ်စွာတေးလန်တစ်ယောက် မိဘတွေရဲ့သဘောတူညီမှုတစ်ခုကြောင့် သူတစ်ခါမှမမြင်ဘူးတဲ့ လူတစ်ယောက်နဲ့လက်ထပ်ဖို့ ဖြစ်လာခဲ့ပါတယ်။ လက်ထပ်မယ့်နေ့မှာပဲ Taehyungတစ်ယောက် ကြေကွဲကာ သူမသောက်နိုင်တဲ့ အရက်တွေသောက်ပြီး လမ်းဖြတ်ကူးရာမှ "အုန်း" ကနဲဆို...
