" သားတော်လေး.. ထမင်းစားလို့ကောင်းပါရဲ့လား.. "
သစ်သားဇွန်းလေးကိုကိုင်ကာ တစ်လှုပ်လှုပ်ဖြင့်စားနေသော သားတော်ဂျောင်ကုလေးအား ကြည့်ကာ သူမပြုံးမိသည်။
" ကောင်းတယ်မယ်တော်.. မယ်တော်ရော မစားသေးဘူးလား "
" မယ်တော်က မဆာသေးဘူး သားတော်ရဲ့.. သားတော်သာ အရင်စားနှင့်နော် "
" ဟုတ် "
အသက်အရွယ်နှင့်မလိုက်အောင် လိမ္မာပါးနပ်လွန်းလှသည့် သားတော်လေးအား သူမကြည့်ကာ အချစ်ပိုရလေသည်။ သားတော်လေးက အိမ်ရှေ့စံ ဆိုသည့် ဂုဏ်ပုဒ်နှင့် ပြည့်စုံသည်ထပ် ပိုပါသေးသည်။
ထိုအချိန် အထိန်းတော်၏ ' မင်းကြီး စောင့်နေပါတယ် ' ဆိုသည့် စကားကြောင့် သူမ သားတော်လေးကို သေချာပြောပြီး ထားခဲ့ကာ နန်းတွင်းမီးဖိုဆောင်ရှိရာ ဘက်သို့ထွက်လာခဲ့ လိုက်သည်။
နန်းတွင်းမီးဖိုဆောင်သို့ ရောက်သော် အပြောနှင့်ခြားနားစွာ တွေ့လိုက်ရသည့် ဘီဆန်မယ်မယ် ခေါ် မင်းကြီး၏ ဒုတိယမြောက် မိဘုရား။
ဘီဆန်မယ်မယ်သည် မိဘုရားခေါင်းကြီးကိုမြင်သည်နှင့် အပြုံးတစ်ခုအား ချိတ်ဆွဲလိုက်သည်။
" မိဘုရားခေါင်းကြီး ရောက်လာပြီပဲ.. မင်းကြီးက ခုနကမှ ကိစ္စတစ်ခုကြောင့် အဆောင်ဘက်ကို ပြန်သွားခဲ့ပြီ.. "
ဘီဆန်မယ်မယ်၏ အပြောကြောင့် မိဘုရားခေါင်းကြီးမှာ ခေါင်းအသာညိမ့်လိုက်ပြီး ထွက်သွားရန်ပြင်သည်။
" ဒါဆိုလည်း သွားခွင့်ပြုပါအုန်း.. "
" ခဏလေးပါ မိဘုရားခေါင်းကြီး.. မင်းကြီးက ကျွန်တော်မျိုးမကိုပြောခိုင်း လိုက်ပါတယ်.. မင်းကြီးက မိဘုရားခေါင်းကြီးကိုယ်တိုင် ဖျော်ပေးတဲ့ ပန်းလက်ဖက်ရည် သုံးဆောင် ချင်လို့ပါတဲ့ "
" ကောင်းပါပြီ.. လုပ်ပေးလိုက်ပါ့မယ် "
မိဘုရားခေါင်းကြီးလည်း စကားရှည်တွေပြောမနေတော့ပဲ မီးဖိုဆောင်ထဲ၀င်ကာ မင်းကြီးကို သူမကိုယ်တိုင် ဖျော်ပေးနေကြ ပန်းလက်ဖက်ရည်အား ဖျော်ပေးရန် ပြင်လေသည်။
ဘီဆန်မယ်မယ်မှာလည်း ကိုယ့်နေရာကိုယ် မပြန်သေးပဲ မိဘုရားခေါင်းကြီး နားတွင် ရစ်သီရစ်သီ လုပ်နေ၏။
YOU ARE READING
𝑴𝒚 𝒏𝒂𝒎𝒆 𝒊𝒔 𝒌𝒊𝒎 𝒕𝒂𝒆𝒉𝒚𝒖𝒏𝒈
FanfictionKim Taehyung ဆိုတဲ့ဂနာမငြိမ်စွာတေးလန်တစ်ယောက် မိဘတွေရဲ့သဘောတူညီမှုတစ်ခုကြောင့် သူတစ်ခါမှမမြင်ဘူးတဲ့ လူတစ်ယောက်နဲ့လက်ထပ်ဖို့ ဖြစ်လာခဲ့ပါတယ်။ လက်ထပ်မယ့်နေ့မှာပဲ Taehyungတစ်ယောက် ကြေကွဲကာ သူမသောက်နိုင်တဲ့ အရက်တွေသောက်ပြီး လမ်းဖြတ်ကူးရာမှ "အုန်း" ကနဲဆို...
