" လိုရင်းကတော့...သခင်လေးကို မင်းကြီးက မိဘုရားနေရာ တင်မြှောက်ရန် နန်းတော်သို့ စေလွှတ်ခိုင်းလိုက်ကြောင်းပါ.. "
" ဘာ!! "
ကျွန်တော် ဆိုဟွန်းပြောတာကြားပြီးပြီးချင်း ကိုယ့်နားတောင်ကိုယ်မယုံနိုင်..။ ဘာတဲ့...ကျွန်တော်ကို မိဘုရားနေရာတင်မြှောက်မယ်တဲ့လား...။
" မင်း...မင်းလျှောက်မပြောနဲ့နော်...ငါကယောကျာ်းလေးလေ...ဘယ်လိုလုပ်ဖြစ်နိုင်မှာလဲ.. "
ကျွန်တော်ပြောတော့ ဆိုဟွန်းကလည်း မျက်နှာငယ်လေးနဲ့...
" ကျွန်တော်လဲမလွန်ဆန်နိုင်ပါဘူး...မင်းကြီးရဲ့အမိန့်ဖြစ်တဲ့ အတွက်ကြောင့်... "
ကျွန်တော် ဒီနေရာမှာတင် ငိုချင်လာသည်။ ဟိုဘ၀မှာတုန်းက လက်မထက်ချင်လို့ ဒီဘ၀ရောက်လာတော့လည်း မင်းကြီးတော်ကောက်တာ ခံရအုန်းမှာတဲ့လား...။ ဘယ်လိုတွေတောင်လဲ...
" ငါနန်းတော်ထဲကို မသွားချင်ဘူးဆိုဟွန်း....မင်းကြီးကိုလည်းမယူချင်ဘူး... "
" သခင်လေး...မင်းကြီးအမိန့်ကိုလက်မခံလို့မရပါဘူး... "
" ဘာလို့လက်မခံလို့ မရ ရမှာလည်း...လက်မခံတော့ငါချောသွားမှာမို့လို့လား... "
" မင်းကြီးအမိန့်ကို လက်မခံသူတိုင်း ခေါင်းဖြတ် သုတ်သင်ကြောင်းပါသခင်လေး "
ဆိုဟွန်းစကားကြောင့် ကျွန်တော် လည်ပင်းတောင် ယားလာသလို...။ ထပ်ပြောရင်လည်း ခေါင်းပြတ်ပြီး အနိစ္စရောက်နေမှဖြင့် ။
" သခင်လေး..နန်းတော်ကနေ လှည်းယဥ်တစ်စီး စေလွှတ်လိုက်ပါတယ်..သခင်လေးနန်းတော်ကိုကြွချီတော်မူပါတော့မလား.. "
စိတ်ညစ်ရတဲ့ထဲ ကျွန်တော်ကိုခေါ်ဖို့နန်းတော်ကလှည်းပါ ပို့ပေးလိုက်တယ်ဆိုတော့ ဒါသက်သက်ကျွန်တော့်ကိုရွဲ့တာ..။ ဒီအရှုပ်ထုပ်နန်းတော်ထဲ တကယ်မသွားချင်ဘူး......တကယ်ကိုပဲ....။
ကျွန်တော် အသက်မရှိတော့သလို ကုတင်ပေါ် ဆောင့်ဆောင့်ထိုင်ချလိုက်သည်။ နန်းတွင်းကားတွေထဲကလို ရုပ်ဆိုးဆိုးမင်းကြီးကို ကျွန်တော်ယူရတော့မှာလား..။ မဖြစ်ဘူးတစ်ခုခုကြံမှ...။
YOU ARE READING
𝑴𝒚 𝒏𝒂𝒎𝒆 𝒊𝒔 𝒌𝒊𝒎 𝒕𝒂𝒆𝒉𝒚𝒖𝒏𝒈
FanfictionKim Taehyung ဆိုတဲ့ဂနာမငြိမ်စွာတေးလန်တစ်ယောက် မိဘတွေရဲ့သဘောတူညီမှုတစ်ခုကြောင့် သူတစ်ခါမှမမြင်ဘူးတဲ့ လူတစ်ယောက်နဲ့လက်ထပ်ဖို့ ဖြစ်လာခဲ့ပါတယ်။ လက်ထပ်မယ့်နေ့မှာပဲ Taehyungတစ်ယောက် ကြေကွဲကာ သူမသောက်နိုင်တဲ့ အရက်တွေသောက်ပြီး လမ်းဖြတ်ကူးရာမှ "အုန်း" ကနဲဆို...