ဆိုး၀ါးစွာလှသော ဆေးအနံ့တစ်ချို့။
တစ်ချက် တစ်ချက် ကြားနေရပါသော စကားပြောသံများ။
" ဆရာ... သားလေး သတိရလာပြီ.. "
" အခြေအနေလေး ကြည့်ပေးပါအုန်း ဒေါက်တာ "
ရင်းနှီးသည့် စကားသံများ ။
မျက်လုံးကို ဖြည်းဖြည်းချင်း ဖွင့်ကြည့်မိရာ စူးရှလှသော အလင်းရောင်တို့ကြောင့် မျက်လုံးများ ပြန်မှိတ်လိုက်မိသည်။
အားယူ၍ မျက်လုံးများ ဖွင့်ကြည့်မိရာ မရင်းနှီးသည့် အဖြူရောင်မျက်နှာချက်။
ဘေးသို့လှည့်ကြည့်မိတော့ မျက်ရည်များဖြင့် နှစ်လိုဖွယ်အပြုံးများ ပန်ဆင်ထားပါသော အဖေနဲ့အမေ။ ကျွန်တော့်အား ကြည့်နေလေသည်။
" လူနာရဲ့ အခြေအနေက စိုးရိမ်စရာမရှိတော့ပါဘူး... ဒါပေမဲ့ လူနာခေါင်းကပတ်တီး မဖြည်မချင်း ဆေးရုံကဆင်းလို့မရသေးပါဘူး.. "
" ဟုတ်ကဲ့ပါ ဒေါက်တာ... "
" ခဏနေကျရင် လူနာအတွက် စားစရာအချို့နဲ့ ဆေး လာပို့ပါလိမ့်မယ်... ကျွန်တော် ဂျူတီချိန်ရှိသေးတာမလို့ ခွင့်ပြုပါအုန်း "
ဒေါက်တာထွက်သွားသည်နှင့် အမေသည် ကျွန်တော့်အား မျက်ရည်များဖြင့် လာဖက်သည်။
" သားရယ်.. အမေတို့ကိုခွင့်လွှတ်ပါ.. သားလက်မခံခဲ့တဲ့ လက်ထပ်ပွဲကို အတင်းလုပ်ခဲ့လို့ သားဒီလိုအဖြစ်ဆိုးမျိုးနဲ့ကြုံခဲ့ရတာ.. "
အမေစကားကြောင့် ကျွန်တော်ငြိမ်သက်နေမိသည်။ အခု ကျွန်တော် အိပ်မက်မက်နေတာ မဟုတ်ဘူးလား..။
တကယ်တမ်း ကျွန်တော်က ဂျွန်နဲ့အတူရှိနေရမှာလေ
" အ.. အမေ.. အခု ကျွန်တော်အိပ်မက်မက် နေတာမဟုတ်ဘူးလား ဟင်? "
" အိပ်မက်မဟုတ်ပါဘူး.. သားရဲ့တကယ့်လက်တွေ့ဘ၀ပါကွယ် "
ကျွန်တော်မယုံကြည်နိုင်သေး...။ စားပွဲပေါ်၌ တင်ထားသော ဖုန်းအား ယူကာ ဖုန်း Screen မှာပေါ်နေသော နေ့စွဲကြောင့် ကျွန်တော် ထိတ်လန့်သွားရသည်။
ဒါဆို ဂျွန်ကော!!.. ဂျွန် ကိုကျွန်တော်ထားခဲ့မိပြီလား!!
ထိုအချိန် ဇာတ်တိုက် အတွေးထဲသို့ ၀င်ရောက်လာသည့် အဖြစ်အပျက်တစ်ချို့။
YOU ARE READING
𝑴𝒚 𝒏𝒂𝒎𝒆 𝒊𝒔 𝒌𝒊𝒎 𝒕𝒂𝒆𝒉𝒚𝒖𝒏𝒈
FanfictionKim Taehyung ဆိုတဲ့ဂနာမငြိမ်စွာတေးလန်တစ်ယောက် မိဘတွေရဲ့သဘောတူညီမှုတစ်ခုကြောင့် သူတစ်ခါမှမမြင်ဘူးတဲ့ လူတစ်ယောက်နဲ့လက်ထပ်ဖို့ ဖြစ်လာခဲ့ပါတယ်။ လက်ထပ်မယ့်နေ့မှာပဲ Taehyungတစ်ယောက် ကြေကွဲကာ သူမသောက်နိုင်တဲ့ အရက်တွေသောက်ပြီး လမ်းဖြတ်ကူးရာမှ "အုန်း" ကနဲဆို...
