ရိပေါ်နှင့်ကျန်းချန်တို့နှစ်ယောက်ဟာ မနေ့ကပြောထားကြသည့်အတိုင်းဒီမနက်မှာတော့ဗေဒင်ဆရာဆိုသူဆီသွားကြလေသည်။
ရိပေါ်တို့လာခဲ့တဲ့နေရာဟာ ဘုန်းကြီးကျောင်းအနားမှာရှိတဲ့နေရာတစ်နေရာမှာဖြစ်လေသည်။
"မင်းပြောတဲ့ဆရာဆိုတာ ဟိုးမှာထိုင်နေတဲ့သူလား"
ကားပေါ်ကဆင်းပြီးလမ်းနဲနဲလျှောက်လာကာ တစ်နေရာအရောက်မှာတော့ရိပေါ်ကစကားစကာမေးလေသည်။
"အေ ဟုတ်တယ်ငါပြောတာအဲ့ဒီဆရာပဲ"
ကျန်းချန်ပြောလို့ရိပေါ်ထိုဆရာဆိုသူကိုပြန်ကြည့်မိလိုက်တော့ တကိုယ်လုံးကိုခေါင်းအစခြေအဆုံး အဖြူရောင်သာဝတ်ဆင်ထားပြီး မျက်စိမှိတ်ထားကာတရားထိုင်နေဟန်တူလေသည်။
"သွားရအောင်လေရိပေါ် "
"အေး အေး"
ရိပေါ်နှင့်ကျန်းချန်ထိုဆရာရှေ့ကိုသွားလိုက်ပြီး ထိုင်လိုက်သည်အထိထိုဆရာဆိုသူကမျက်လုံးမဖွင့်လာသေးပေ....
"ဆရာ.."
ကျန်းချန်ခပ်တိုးတိုးခေါ်လိုက်လေသည်။
"မင်းတို့တွေရောက်လာကြမယ်ဆိုတာ ဆရာထင်တဲ့အတိုင်းပဲ"
ဆရာဆိုသူကပြောပြီး မျက်စိဖွင့်လာလေသည်။
"ဗျာ"
"ဒီနေ့မနက်ကတည်းက ဆရာရဲ့စိတ်အာရုံထဲမှာလူလေးတို့ရောက်လာမယ်ဆိုတာကြိုမြင်နေတာ "
"ဗျာ..ဟုတ်ကဲ့ဆရာ...ဆရာပြောသလိုပဲကျွန်တော့်သူငယ်ချင်းရဲ့အိမ်မှာတကယ်ပဲမကောင်းတဲ့အတိုက်အခိုက်တွေရှိနေလားသိချင်လို့ပါ...ပြီးတော့ကျွန်တော့်သူငယ်ချင်းအိမ်မှာထူးဆန်းတဲ့ပစ္စည်းတွေ တွေ့ထားလို့စိတ်ထဲမကောင်းတာနဲ့ဆရာဆီကိုယူလာပြတာပါဆရာ ကြည့်ပေးပါဆရာ"
"အင်း အဲ့ဒီပစ္စည်းဆရာကိုပြစမ်း"
"ရိပေါ် ဆရာကိုပြလိုက်တော့လေ"
ကျန်းချန်ရဲ့သတိပေးသလိုတံတောင်နှင့်တွတ်လိုက်မူကြောင့် ရိပေါ်လည်းတစ်ချက်ကြောင်နေရင်းက ယူလာတဲ့ဖယောင်းတိုင်နဲ့အင်းစာရွှက်ကိုဆရာကိုထုတ်ပြလိုက်လေသည်။
"ဒီမှာပါ ဆရာ"
ဆရာက ရိပေါ်ပေးတဲ့ဖယောင်းတိုင်နဲ့အင်းစာရွှက်ကိုကြည့်ပြီး ခေါင်းတခါခါနဲ့ပြောလေသည်။
"လူတွေလူတွေ သိပ်ခက်တာပဲ ငရဲမကြောက်ဘာမကြောက်ကွယ် အကုသိုလ်ဖြစ်အောင်လုပ်နေကြတာ..ဝဋ်ဆိုတာနောက်ဘဝမကူးဘူးဆိုတာမသိကြဘူးရော့လား"
DU LIEST GERADE
A chance to change the past (Complete)
Fanfictionဟမ်!!.. ငါသေသွားပြီမဟုတ်ဘူးလား... ဘယ်လိုဖြစ်ပြီးဒီအိမ်ကိုပြန်ရောက်နေတာလည်း!! ဘုရားသခင်က ဝမ်ရိပေါ်ဆိုတဲ့လူမိုက်ကြီးကို ဒုတိယအကြိမ်အခွင့်အရေးပေးတာများလား... ဟမ္!!.. ငါေသသြားၿပီမဟုတ္ဘူးလား... ဘယ္လိုျဖစ္ၿပီးဒီအိမ္ကိုျပန္ေရာက္ေနတာလည္း!! ဘုရားသခင္က ဝမ္...
