"ဒါဆို အမိအကိုက အသက်ရှင်နေတုန်းလား"
"မသိဘူး"
ချစ်စကားကြိုက်စကားမဆို ရသေးပါပဲ မဆိုလိုက်ရပါပဲဟုပြောလျှင်ပိုမှန်မည်။
နေ့ချင်းညချင်း စူးရှဟာယုယငယ်နှင့် တွဲပြီးနေပြီ။
ယုယငယ်၏ အသက်ရှင်ဖို့အရေးတို့အရေး အဲလေ စူးရှအရေးလိုဖြစ်ကာ ကာယကံရှင်ကတောင် ဘာမှမလှုပ်ပါပဲ
စူးရှက ဘေးမှနေကာ အလုပ်များ နေသည်။
ရိုးတွင်းခြင်ဆီဆိုတာ မိသားစုဝင်တစ်ယောက်ယောက်ဆီမှာသာရနိုင်ကြောင်းသိထားသောကြောင့် ယုယငယ်၏မိသားစုအကြောင်းအသေးစိတ် စူးရှမေးခဲ့သည်။
မွေးချင်းအကိုတစ်ယောက်ရှိပြီး ငယ်ငယ်က ပိုက်ဆံနှင့် လဲပစ်လိုက်ကြသည်ဟု ဆိုသည်။ မိဘများဆုံးသွားကြသည်အထိ အကိုနှင့် လုံးဝပြန်မတွေ့ရတော့သည်မှည ယနေ့ထိပင်။
ယုယငယ်ထံတွင် အကို့ဓာတ်ပုံတစ်ခုလောက်သာရှိလျှင် အဆင်ပြေအုံးမည်။
ခုတော့ ဘာသဲလွန်စမှ ရှာမရခဲ့။
" ဘာလို့အလုပ်ရှုပ်ခံနေမှာလဲ"
ယုယငယ်သည် စူးရှထင်ထားတာထက်သိပ်အေးတိအေးစက်နိုင်သည်။
ခံစားချက်ကင်းမဲ့နေသည့်မျက်ဝန်းတွေက
ကြောက်စရာကောင်း၏။
အိပ်ယာပေါ်လဲကျလုဆဲဆဲအခြေအနေဖြစ်နေတာတောင်
ဘာမှမဖြစ်သလိုအံကြိတ်နေနေပြန်သည်။
တစ်ခါတစ်ရံ စူးရှအလစ်မှာ ဆေးလိပ်ခိုးသောက်နေတက်သေးသည်။
ထို့ကြောင့် စူးရှမှာ ယုယငယ်အား မျက်စိအောက်က အပျောက်မခံပေ။
တခြားအကြောင်းကြောင့်လည်းပါချင်ပါနေမှာပေါ့။
" အိုးကမပူစလောင်းကပူနေတယ်"
ယုယငယ်စကားကြောင့် စူးရှ ဒေါသထောင်းခနဲထွက်သွားကာ ပေစောင်းစောင်းလှည့်ကြည့်လိုက်သည်။
" ကျွန်တော်လုပ်နေတာ ခင်များအတွက်လေ ။ ခင်များကို မသေစေချင်လို့လေ။
ဘာလို့ လိုက်ကပ်တွက်နေရတာလဲ"
ယုယမေက စူးရှကို အကြည့်လွှဲသွားသည်။
"တို့ဘဝတစ်လျှောက်လုံး လိုက်ရှာနေခဲ့ပြီးပြီ"
ВЫ ЧИТАЕТЕ
A letter to A boy who is not a boy(Completed)
Любовные романыစာတစ်စောင်ရောက်တယ်တဲ့။ ယောကျ်ားလေးတွေချည်းနေတဲ့အိမ်ကို ကောင်လေးမဟုတ်တဲ့ ကောင်လေးဆိုတဲ့နာမည်နဲ့။ " ...... " စာတစ္ေစာင္ေရာက္တယ္တဲ့။ ေယာက်္ားေလးေတြခ်ည္းေနတဲ့အိမ္ကို ေကာင္ေလးမဟုတ္တဲ့ ေကာင္ေလးဆိုတဲ့နာမည္နဲ႕။ " ...... "
