Palabiro din si Buloy.
Kahit simpleng mga linya ng mga biro niya ay matatawa ka, marahil siguro sa kung paano siya tumawa at sa kung paanong naiiba ang mukha niya kapag tumatawa.
Naging tampulan narin si Buloy ng tukso dahil sa kanyang itsura't pananamit. Ngunit sa kanya'y wala na lang 'yon, inaamin niyang totoo rin kasi.
Nawawala 'yung problema ng panandalian kapag kasama mo si Buloy. 'Di rin nagtagal, nilalapitan na siya hindi lang para makipagkwentuhan o utusan.
Nilalapitan na rin si Buloy para manghingi ng payo sa kanya-kanya niyong problema. Ang dating "Paki Buloy" ay napalitan na ng "Tata Buloy." Alam ni Buloy ang kwento ng lahat ngunit hindi alam ng lahat ang kwento niya.
Bukod sa kwento niya sa pamilya ay wala ng iba. Masikreto si Buloy, hindi mapipilit na magkwento o marahil walang nagtatanong kaya walang dahilan para magkwento siya ng mga nararamdaman niya.
Naalala ko tuloy 'yung unang beses siyang naglabas ng loob sa mga hinanakit niya sa lahat.
Isang gabi, sa umiikot na'ting mundo.
BINABASA MO ANG
Buloy | Watty's 2018 Award Winner - The Changemakers
Short StoryMatagal-tagal na rin pala nang bigla kang nawala. // • "This thing is a masterpiece." • squanderedlife s h o r t. s t o r y | parengtofu • (c) 2018 #1 in Literature | Watty's 2018 winner! | #TanggolWika