Matagal-tagal na rin pala nang bigla kang nawala.
// •
"This thing is a masterpiece."
• squanderedlife
s h o r t. s t o r y | parengtofu • (c) 2018
#1 in Literature | Watty's 2018 winner! | #TanggolWika
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
Hindi ko gaano kilala ang ilang mga manggawa ng Unibersidad maliban sa mga gurong pinapasukan ko at kay Mang Tenyong na kalimitang naglilinis ng mga naipong dahon na nalalaglag mula sa malagong puno ng mangga.
Hindi ko akalain na maging sa loob ng paaralan ay may mga katiwalian paring nangyayari.
Isa na rito si Mrs. Loydaco. Bise-Presidente ng mga panahong nakaupo pa si Mr. Jimenez bilang Presidente.
Pinatalsik siya ni Mrs. Loydaco nang mapatunayang binubulsa ang kaban ng paaralan. Alam na alam na'tin 'to dahil isa tayo sa mga nakisigaw upang mapagtagumpayan ni Mrs. Loydaco ang mabuting hangarin niya.
Nagtagumpay ang gusto na'tin, naibaba si Mr. Jimenez nang mapatunayang tama ang binibintang sa kanya kaya pumalit bilang presidente ang dating bise.
Naging maganda ang takbo ng paaralan simula noon. Maganda ang kanyang pamumuno kaya't nakuha niya ang tiwala ng lahat.
Kaya't gano'n na lamang ang aking pagkabigla nang makita ko si Buloy na hawak ang papeles kasama ang ilang mga kapwa estudyante na nagiging dahilan kung bakit lumalakas ang nabubuo nilang ingay.
