Nanginginig ang mga kamay kong binuksan ang pabalat ng kwarderno, nakita ko ang ilang mga baybaying nakasulat bilang panimula.
Nagsimula kong ikumpara ang hawak kong kopya.
Inabot rin ako ng ilang minuto dahil medyo nakakalito at nakakahilo ang pagpapalit-palit ng tingin sa dalawang papel na hawak ko.
Pero hindi ako makapaniwala sa aking salitang nabuo. Lumakas ang tibok ng puso ko, nagsisitayuan ang balahibo ko sa kamay, sa mga hita't pisngi, maging sa aking batok.
Pakiramdam ko may mapuputol na ugat dahil sa bilis ng tibok ng aking puso. Biglang bumigat ang pakiramdam ko, parang pasan ko ang lahat ng emosyong nakapaloob sa kwadernong hawak ko, kwadernong nakita ko sa damitan ni Buloy nang magpunta ako sa kanila.
Sa kabila ng gano'ng pakiramdam hindi ko mapigilang mapangiti. Sigurado nga ako, kay Buloy nga ang kwadernong ito.
Hoy, Hoy Buloy.
Kwentuhan mo ko tungkol sa buhay mo.
BINABASA MO ANG
Buloy | Watty's 2018 Award Winner - The Changemakers
Short StoryMatagal-tagal na rin pala nang bigla kang nawala. // • "This thing is a masterpiece." • squanderedlife s h o r t. s t o r y | parengtofu • (c) 2018 #1 in Literature | Watty's 2018 winner! | #TanggolWika