Hold Me Close (Azucarera Series #3)

Kabanata 24

Kabanata 24

Drunk

"You gave him your number?" Aria hissed when I went back to our table.

Doon dapat ako babalik kina Angelo pero dahil sinipat ako ni Aria at iminuwestra na lumapit sa kanya, iyon ang ginawa ko.

"For the investigation-"

"For the investigation? Totoo ba 'yan?"

"Don't worry, okay? Trust me," I assured her.

Ngumisi siya habang pinagmamasdan akong kumakain. Umirap na lang ako dahil alam ko na ang iniisip niya. At alam ko na rin kung ano ang gusto kong mangyari.

Nagsimula rin naman ang programme. Masaya naman si Chayo at Leandro kaya nakalimutan din kaagad ang nangyaring kumosyon. Wala nga lang doon si Levi at si Chantal, hindi na nakabalik.

The wedding was fun. Their single games was unique. Ang kaibigan ni Chayo na si Nan ang nakakuha ng bouquet at isa naman sa mga kaibigan ni Levi ang nakakuha ng garter.

Gumabi na at nagsasayawan na ang mga tao dahil tapos na ang programme. Nagkatuwaan naman si Aria at Romulo habang ako ang nagbabantay kay Ria sa lamesa. Some of my classmates asked me to dance but I refused because of Ria.

Sa banda nina Alvaro, magsisimula na naman yata ang inuman. Nakisali si Leandro sa grupo nila at naroon na rin ang ibang lalaki sa Altagracia.

The music, though, was ended very soon. Hindi na ako nagtaka dahil iniisip ko naman si Tito Luis. Nagsiuwian na rin kasi ang matatanda at ang mga kaibigan na lang nina Chayo at Leandro ang natitira.

Nagulat ako dahil akala ko magpapaiwan si Margaux. She went to Alvaro's table. Nakausap din niya ang kapatid na si Angelo. Nakisalamuha sa iilang kakilala. Tumayo si Alvaro at sinalubong ang parents niya sa likod. Sumulyap siya sa banda ko pero ibinaling ko na lang ang mga mata kay Ria na abala sa coloring book na price kanina sa mga larong pambata.

"Dito pa," sabi ko sa kanya at itinuro ang hindi nakulayang mukha ng pagong.

Nakisali sina Aria sa grupo. Si Romulo lang naman talaga ang nandoon kanina at kinausap pa ni Aria ang ilang kaibigan kaso tinawag si Aria saglit. Ngayon pabalik na sila sa lamesa ko.

"Uuwi ka na, Alvaro?" I heard Daniel.

Tumawa si Alvaro. "Ah, hindi pa. Mauuna na sila."

"Ah! Akala namin..."

Napasulyap ako sa banda nila at nakita kong inakay ni Margaux ang Tita Ana at mukhang ang tatlo ang mauunang umuwi, samantalang mananatili si Alvaro.

I saw that Soren went out of the del Real's mansion. Nagkasalubong sila ni Margaux. Madilim ang tingin niya rito samantalang si Margaux ay yumuko. Soren ignored her and continued walking towards our table.

Tinawag nga lang siya sa lamesa nina Alvaro kung saan pinansin niya naman.

"Inom, Soren!" anyaya na tinanggap niya naman agad.

"Mamaya ka na umalis, Alvaro," patuloy ng ilang kaibigan ni Alvaro.

"Ah. Hindi ako magtatagal ngayon kasi may papakainin pa akong pusa sa bahay," he chuckled.

My eyes darted at them. I saw Alvaro's gaze at me. Natabunan nga lang nang imahe ng palapit na si Soren sa amin.

"Dito lang kayo, Aria? Sali tayo roon!" si Soren sa amin.

"Ah. Kagagaling lang namin doon, Soren," si Aria habang hinahaplos ang buhok ng anak. "Inaantok na si Ria. Baka mauna na kami."

Napakurapkurap ako. Well, I have no problem going home early. Wala akong dalang sasakyan kaya wala rin akong choice kundi sumama na nga kina Aria at Romulo.