Hold Me Close (Azucarera Series #3)

Kabanata 29

Kabanata 29

Wait

Hindi ako makatulog. I dread for the weekend to come. Hindi ko alam kung tama ba ang gagawin ko.

Alvaro:

I'm home. Good night!

Hindi ko na ni-reply-an. Mas lalo lang akong maguguluhan.

Gusto kong isipin na pinoprotektahan ko lang ang puso ko. Na maraming taon na ang nagdaan at hindi ko alam kung nakilala ko na ba siya noon, o kilala ko na ba siya ngayon? Hindi pa rin. Iyon ang totoo.

Wala pa rin akong tiwala sa kanya. Pakiramdam ko, sasaktan niya ako. I don't want to go through that pain again. It will break me this time. I am not giving him a chance to hurt me.

He is a playboy. Iyon ang pagkakakilala ko sa kanya at kung iyon ang pagbabasehan ko ngayon, dapat nga na sabihin ko na sa kanya ang totoo. Na huwag na siyang umasa.

Hindi ko na rin kayang patagalin pa kung gusto niyang kilalanin ko pa siya. Pakiramdam ko, kaunting kaunti na lang... mahuhulog na ako ng tuluyan sa kanila. Aria's voice inside my head echoed. Dinagdagan ko na lang iyon ng kasiguraduhang pag-ayaw ng mga magulang niya.

If my dad were alive and he wouldn't agree with my boyfriend, I'd push him away in a heartbeat. Or... I don't know...

Mabilis na nagdaan ang mga araw lalo na't hinihintay at kabado ako. Ganoon talaga yata. Saturday came and I was shocked to see Noel.

Nakalimutan ko at hindi niya rin naman pinaalala na bibisita nga pala siya!

It was lunch time when he visited but I hoped he'd go home before dinner so I could be with Alvaro. Masaya pa rin naman siyang kasama kahit paano pero dahil abala si Aria, mas kaming dalawa ang nag-uusap.

"Birthday," paliwanag niya nang tinanong ko kung anong celebration kina Margaux.

"Oh? Tapos nandito ka?"

"Aabutin pa 'yon bukas, Yohan. Inaabangan nga nila kasi may ipapakilala yatang boyfriend si Margaux. Sundalo raw, e."

Napakurapkurap ako. I suddenly wonder if Alvaro will go to Margaux's house for that. Kinlaro niya na naman ng ilang beses pero siguro nga hindi pa rin ako nagtitiwala sa kanya.

I smiled bitterly at Noel. "Talaga?"

"Oo. Gustong-gusto nga nina Tita kasi nga malaki na raw posisyon at may mga properties na raw. Iyon ang usap-usapan."

Natahimik ako. I don't know which one to believe now.

Baka naman hindi pupunta si Alvaro sa meeting dahil dadalo kina Margaux?

"Kailan daw ba kasi dadalhin ni Margaux?" I tried to sound lighter to hide my feelings.

"Mamayang gabi."

Pero magkikita kami, hindi ba? So he won't come to see me? Sa Bistro? He texted me this morning, though.

Alvaro:

Good morning! See you later.

Hapon na at naghahanda na ako ng kaunti. Hindi ko nga lang maiwan-iwan si Noel lalo na't abala si Aria kaya nahihirapan akong tumiyempo.

"Sa mga del Real kami ngayon," ani Aria.

"Huh? Pupunta ka pala? Kanina pa 'yon, ah?" I said after sipping on my coffee.

Dahil nakisali na si Aria at nandito na si Romulo, aakyat na ako para makapag-ayos at makapagbihis.

"Oo pero tinuruan pa ni Romulo si Ria sa piano kaya magpapahuli kami."