စုမန်ချီ ရဲ့ချန်၏ကျောပေါ်သို့ အသာအယာ တက်လိုက်သည်။ ရဲ့ချန်၏ကျောပြင်ပေါ်က သက်သောင့်သက်သာရှိလှပြီး လုံခြုံစိတ်ချမှုကို ပေးစွမ်းသည်။ ရဲ့ချန် သူ့ကျောပြင်ကို ဖြတ်သန်းပြီး နုညံ့သောအရာတစ်ခုက ထိတွေ့လာသည်ကို ခံစားမိစဉ် အန္တရာယ်ဟူသောအသိက ဖြစ်ပေါ်လာသည်။ ဘာပဲဖြစ်ဖြစ် သူမကို ကူညီတာပဲလေ။ ဟုတ်တယ်မလား။
စုမန်ချီလည်း သူမရဲ့တစ်ကိုယ်လုံးနဲ့ ရဲ့ချန်ကို ထိနေရသည်မို့ ရှက်ရွံ့လှသည်လေ။ သို့သော် သူမ မငြင်းဆန်တော့ချေ။ ထို့ကြောင့် သူမလဲကျမသွားစေရန် ရဲ့ချန်၏လည်ပင်းကို ပိုက်ဖက်လိုက်သည်။ " ဒီလူရဲ့ ကျောပြင်ကျယ်ကျယ်ကြီးက သက်သောင့်သက်သာရှိလိုက်တာ..." စုမန်ချီ ရေရွတ်လိုက်သည်။
" မင်းတစ်ခုခု ပြောလိုက်တာလားလို့..." ရဲ့ချန်မေးလိုက်သည်။ " အာ..မပြောပါဘူး..." စုမန်ချီ သူမရဲ့ရေရွတ်သံကို ရဲ့ချန်ကြားလိမ့်မည်ဟု မျှော်လင့်မထားချေ။
နာရီဝက်လောက်ကြာအောင် စုမန်ချီကို ဘာအကူညီမှမပါဘဲ ရဲ့ချန် သယ်ဆောင်လာသည်။ စုမန်ချီကတော့ နောက်မှာ မျက်လုံးလေးကိုမှိတ်ပြီး ဇိမ်ယူနေသည်။ သို့သော် အိပ်နေသည်တော့ မဟုတ်ချေ။ ရုတ်တရက် ရဲ့ချန် ခြေလှမ်းကို ရပ်တန့်လိုက်သည်။
" ဘာလို့လဲ...မောသွားလို့လား..." စုမန်ချီ မေးလိုက်သည်။
ရဲ့ချန် " ငါတို့ဆီပျံလာနေတဲ့ ဟယ်ရီကော်ပတာတစ်စီကို မမြင်ဘူးလား..." စုမန်ချီ သူတို့အနီးမှာ ဟယ်ရီကော်ပတာကို မြင်ဖို့နေနေသာသာ အသံတောင် မကြားပေ။ ထို့ကြောင့် ရဲ့ချန်ကို စိတ်ရှုပ်ထွေးစွာ ကြည့်လိုက်သည်။
ရဲ့ချန် သူ့ရဲ့အကြားအာရုံနဲ့ ပတ်သက်လို့ သံသယမဝင်ပါချေ။ မကြာပါ တစ်မီးနစ်လောက်ကြာပြီးနောက် ဟယ်ရီကော်ပတာ၏ ပန်ကာလည်သံ တဝီဝီကို စုမန်ချီ ကြားလိုက်ရသည်။
ရဲ့ချန် အပေါ်သို့ မော့ကြည့်လိုက်သောအခါ အစိုးရစစ်တပ်၏ သင်္ကေတအရှည်ကြီး တစ်ခုချင်းစီကို မြင်လိုက်ရသည်။
" ရဲ့ချန် သွားစို့...ငါတို့ ဒီကနေ ထွက်မှဖြစ်မယ်...ဒါမှ သူတို့က ငါတို့ကို မြင်လိမ့်မယ်..."
YOU ARE READING
နတ်ဘုရားတို့ လျှောက်သောလမ်း Part-1
Fantasyသူက ရွာငယ်လေး တစ်ရွာမှာ အဘိုးဖြစ်သူနဲ့အတူ နေထိုင်တယ်။ သူ့ဘဝက သာမန် လူငယ်လေး တစ်ယောက်နဲ့ အတူတူပဲ။ ဒါပေမဲ့ သူ့အဘိုး ကွယ်လွန်သွားတော့ သူ့ဘဝက ရုတ်တရက် ပြောင်းလဲသွားတယ်။ သူ့ကို စောင့်ရှောက်မယ့်သူ ဘယ်သူမှ မရှိတော့တာကြောင့် ဘဝကို အမှီအခိုကင်းကင်းနဲ့ နေထိုင...
