Garnet Academy: School of Elites

Chapter 4

Chapter 4

Signed

Magsasalita na si Kuya Beau nang pinigilan ko siya.

"Magkakilala kami ni Beau. Siya ang nag-endorse sa akin dito." sabi ko.

Stephanie's jaw dropped. Kumunot naman ang noo ni Kairon at saka dahan-dahan akong binitawan.

Hinila na ako ni Kuya palayo roon at saka hinatid sa kwarto ko.

Ganoon lang iyong nangyari, pero pakiramdam ko ay napagod ako. Pagpasok sa kwarto ay agad akong naupo sa kama at sinapo ang aking ulo.

Hindi ako nakabili ng sandwich! Hay!

"What the hell was that, Paige?!" si Kuya.

"Wala, Kuya. Iyong Stephanie ang nauna. Siya ang humarang–"

"I don't care about Stephanie. What's bothering me is that Gonzalez! Bakit ka niya kilala?"

"Magkaklase kami, Kuya." tipid kong sagot.

"Then why is he like that towards you? Care to explain?!"

Tinignan ko si Kuya. Ano bang pinagsasasabi niya? Ano bang ginawa ni Kairon? Pakiramdam ko ay ganoon lang siya dahil siya ang Presidente sa buong school! Baka akala niya ay may gagawing kung ano sa akin si Kuya. Iyon lang naman ang aking palagay doon!

"Hindi ko alam, Kuya? Hindi ba't siya ang Presidente? Baka notorious ka rito sa pambabae kaya ganoon. Akala niya paglalaruan mo ako o ano." pagdadahilan ko.

"And so? Kung ganoon nga, ano naman ang pakialam niya? Buong linggo no'ng student council meeting, I always have girls with me. Hindi naman siya nakialam. Ngayon lang, Paige!"

"Yuck, kuya! Nambababae ka nga?"

Ano ba itong si Kuya? Ibang iba talaga siya rito sa school na ito!

"'Wag mong ibahin ang usapan, Beatriz Paige." aniya. "Nakakausap mo ba 'yon? Did you had any encounters with him?"

Isang malalim na paghinga ang ginawa ko nang maalala iyong mga nangyari. Iyong sa clash namin no'ng first day, tapos no'ng first class...

Tumaas ang kilay ni Kuya kaya wala akong nagawa kung hindi ang ikwento ang lahat sa kanya. Pati iyong pagsapak ko kay Kairon ay naikwento ko! Shit!

Umawang ang labi ni Kuya Beau. Tila hindi siya makapaniwala sa mga sinabi ko.

"Are you damn serious?" tanong ni Kuya. Tumango ako at napailing na lang siya. "I'm so mad, right now."

Yumuko ako at natakot ng kaunti sa aking Kuya.

"From now on, layuan mo na 'yang Kairon na iyan. He's up to no good, Paige." anito. "I'll try to be with you most of the time if I don't have a class. Pag nakadikit ako sa'yo, siguradong hindi ka lalapitan no'n."

Tumango tango na lang ako kay Kuya.

"Nakuha mo siguro ang atensyon niya nang malaman na Aeris ka, pero matapang ka. Tsk. Be careful next time. 'Wag kang padalosdalos."

Paalis na si Kuya nang hinagit ko ang kamay niya.

"What?" he asked.

"Kuya, gutom ako. Sandwich." banat ko rito.

Kuya laughed and patted my head. "Wait for me, lil sis. I'll get you one."

-

Sa panibagong araw ng pagpasok, itinatak ko sa aking utak ang lahat ng bilin ni Kuya.