Athena: The Goddess of Violence

Chapter Thirty Two - Sabotaged School

Third Person's POV

 

 

Nagpahinga si Thea ng halos isa pang linggo sa ospital. Ang tanging ga bumisita sakanya ay ang gang ni Athena pwera kay Paige. Hindi na ulit bumalik si Jiro, dahil narin pareho silang naiipit ng kapatid niya sa nangyayaring gulo, naisip na niyang makabubuti sakanila kung hindi na muna sila magkikita at magkakausap dahil baka lalo ang silang maipit.

Pero syempre, nang makalabas na si Thea mula sa ospital at bumalik sa eskwelahan, hindi maiwasan at mapigilan ni Jirong maya't maya ay kausapin ang kapatid niya. Dahil magkaklase naman sila, hindi ito naging mahirap. Pwera nalang sa maya't maya ding death glare ni Athena kay Jiro, na tinatawanan lang ni Thea.

Ironically, si Athena ang nagsabing kausapin ni Thea si Jiro kahit pa anong sinabi at sasabihin sakanya nito. Ayaw niya kasing aging hadlang sa magkapatid at kung ano mang magiging desisyon ni Thea, magiging open dito si Athena.  Pero si Thea, sinabi na agad kay Jiro na pabor lang sakanya ni Athena ang pagkausap sakanya, kaya kung may sasabihin siyang masama tungkol kay Athena, wag na siyang subukang kausapin pa.

Naiipit man ang dalawa, naging loyal naman sila sa kinakampihan nila. Pareho kasi silang may pinaninindigan at pinagkakautangan ng loob.

Magulo?

Huh, pero mas wala nang gugulo pa sa balak gawin ni Athena. Natural, hindi ito brutal,  hindi masyadong bayolente at hindi kaduda-duda. What can we say? Seventeen palang si Athena, kahit anong gawin natin, hindi parin ganoon ka-mature ang pag-iisip niya. Ang sabi niya, gagawa siya ng paraan upang mismong si Mr. Carter ang mapilitang lumapit sakanya. Paano niya nga ba ito gagawin kung maging si Kurt na anak nito ay hirap sa paghahanap dito?

Simple lang naman ang naisip ni Athena e.

Bulabugin ang eskwelahang pagmamay-ari nito.

***

Kung inaakala ng iba, isang simpleng private school ang Carter High, nagkakamali sila. Hindi tanga si Athena para hindi mapansin ang napaka-eleganteng environment nito. Papaano? Investments. Galing sa mga mayayaman at kilalang pamilya ang mga nag-aaral dito-- or so they say, Athena's certain na hindi lamang sa mga kilalang pamilya nanggaling ang mga nag-aaral dito. Yung iba, sa mga mayayamang pamilya pero hindi kilala dahil sa business nila. Bakit pa nga ba siya magtataka hindi ba? Kung mismong si Mr. Carter nga pumapatay, mga malalapit pa kaya niyang alipores?

Let's face it. Modern at sobrang civilized na ng mundo. Ni hindi na nga ata bago ang mga ganitong kalakaran hindi ba? Patago nga lang..

Now, ang balak ni Athena ay napakasimple lang talaga. Magugulat nalang kayo na sa simple ng paraan niya, nakuha naman niya ang gusto niya.