Unicode
.ဘာလိုလိုနဲ့ ချစ်မင်း နှင့် အကြည်တို့ပင် မင်္ဂလာသက် (၁၁) နှစ်ပြည့််ခဲ့ပြီ။ သဘောမနောကောင်းကာ ဖြောင့်မှန်တဲ့သူတွေမို့ ပွဲရုံလုပ်ငန်းက အကျိုးပေးလှလေသည်။ ပွဲရုံ အခွဲတွေချည်း ၇ ခု ရှိကာ လက်လီ လက်ကားဆိုင်များပါ ဖွင့်ထားသောကြောင့် သူဌေးတန်းကောင်းကောင်းဝင်နေကြပြီဖြစ်သည်။
ကိုမောင့် သစ်စက်ကလည်း ဆယ်စုနှစ် တစ်ခုကျော် ရပ်တည်လာတာဖြစ်၍ မြို့အနှံ့ သစ်စက်ကိုမောင် ဟု မေးလျှင် မသိတဲ့သူ မရှိလောက်အောင်ရှားသည်။ နွယ်ကလည်း ဦးစီးမှူး ဖြစ်၍နေလေပြီ။
.
.
.
.
.အိမ်ထောင်သက် ၇ နှစ်ရှိသည့်တိုင် ကလေးမရသေးသဖြင့် နွယ်တို့လင်မယားမှာ ကလေးရူးရူးနေရသည်။ ဗေဒင် ယတြာ အစုံ ဆေးရုံ ဆေးခန်း မသွားချင်မှ အဆုံးဖြစ်သည်။ နောက်ဆုံးတွင်တော့ ကံမပါလာလို့ မရတာဟုသာ နှလုံးသွင်းကြရတော့သည်။
မင်းခန့်ညားလေးလည်း အသက် ၁၁ နှစ်ပြည့်ပြီ ဖြစ်လေသည်။ ချစ်မင်းတို့ လင်မယားက သားဖြစ်သူ၏ သူငယ်ချင်းတွေအကုန် အိမ်ကိုခေါ်ကာ တရုတ်စားသောက်ဆိုင်မှ ကြာဇံကြော် ခေါက်ဆွဲကြော် တို့ကို မှာယူ ကျွေးမွေးသည့်အပြင် ရေခဲမုန့်ပါ ကျွေးသဖြင့် ကလေးများ အကြိုက်ဖြစ်၍နေ၏။ ပွဲရုံက အလုပ်သမားတွေအပြင် ကိုမောင့်သစ်စက်က ဝိုင်းဆရာ သစ်ဆွဲသမားပါမချန် အိုးကြီး အိုးငယ်နှင့် မှာယူကျွေးမွေးလေသည်။
.
.
.
.
.
.
.
.' ခန့်ညား..... '
ခေါ်သံကြား၍ လှည့်ကြည့်လိုက်တော့ ပြီးခဲ့တဲ့နှစ်ကမှ ကျောင်းပြောင်းလာတဲ့ ကြင်နာဦး ဖြစ်နေသည်။
' အကြင်နာ လာပြီလား ဘာစားမလဲ ရေခဲ့မုန့်လည်း ရှိတယ် '
' ဗိုက်ဆာလာတာ ခေါက်ဆွဲကြော်အရင် စားမယ်။ ရော့... မွေးနေ့လက်ဆောင် ပြီးမှ ဖောက်ကြည့်နော် '
ခန့်ညားပြုံးပြီး ခေါင်းငြိမ့်ပြလိုက်သည်။
' ဟော တီတီနွယ်လာပြီ နောက်ကျလိုက်တာ တီနွယ် ပြောတော့ မနက်ကတည်းက သားနားနေမှာ ဆိုပြီး ..
ဦးမောင်တောင် အစောကြီးလာတာကို'
YOU ARE READING
နှစ်ထောင့်နှစ်ဆယ့်ရှစ် ( ၁၅၀၀ + ၅၂၈ ) ( Complete )
Romanceရွယ်တူ သူငယ်ချင်းနှစ်ယောက်က မွေးပေမယ့် အသက် ၁၂ နှစ်ကွာတဲ့ ကိုကိုနဲ့အူကြူးလေးတို့အကြောင်း