Uni
.
.
.
" ဒုတ်.....ဒုတ်...''
ပထမဆုံးကျောင်းသွားမယ့်ရက်မှ ဆိုင်ကယ်ကထိုးရပ်သွားတာမို့ ကိုးချစ်စိတ်ညစ်သွားရသည်။
" သွားပြီ.....အင်္ဂလိပ်ဆရာမက ဆိုးပါတယ်ဆို ''
ပြောပြောဆိုဆို ဖုန်းထုတ်ကာ ရတနာ့ဆီဖုန်းခေါ်လိုက်သည်။
" ဟယ်လို....''
" အေး...သော်သော်...မလာသေးဘူးလား..ဆရာမက ခဏနေလာတော့မှာနော် မော်ကွန်းထိန်းနဲ့ဖုန်းပြောနေတာတွေ့ခဲ့တယ် ''
" ဒုက္ခပါပဲဟာ...ဒီမှာဆိုင်ကယ်က ထိုးရပ်သွားလို့ ဆရာမလာရင် ပြောပေးထားဦး ''
" ငါ လာကြိုလိုက်မယ်...နင်ဘယ်မှာလဲ ''....ခခက ဝင်ပြောလေသည်။
" မလာနဲ့ တပြုံကြီးနောက်ကျရင် ပိုဆိုးကုန်မယ်....''
" စက်နိုးသေးလား ဆိုင်ကယ်က ''
" မနိုးတော့ဘူး....ဂျီ...ဂျီ နဲ့မြည်နေတာ ''
" ဆီကြည့်လိုက်ဦး....ဆီဆိုင်ကနီးလား...''
" အေး...ရှေ့နားလေးမှာတော့ရှိတယ် ''
" ဆီကြည့်လိုက်...ဆီရှိပြီး နှိုးမရတာဆို..ငါ့ဆီဖုန်းပြန်ခေါ်...ငါလာကြိုမယ် ''
" အေးအေး..''
ဖုန်းပြောပြီးမှ ကိုးချစ် ဆီတိုင်ကီဖွင့်ကြည့်တော့ ခမ်းခြောက်ကာနေတော့သည်။
" ဟားးးးး.....နောက်ဆို အမြဲတမ်း သတိနဲ့ကြည့်ရမယ် တော်သေးတာပေါ့ ....ခခပြောလို့ ''
ဆီဆိုင်ထိတွန်းပြီး ဆီထည့်လိုက်ရသည်။ ဆီထည့်ပြီးတော့ တော်တော်နှင့်နှိုးမရသေးပေ......
ဆီဆိုင်က ဝန်ထမ်းတွေက ကူညီပြီးနှိုးပေးမှ ဆိုင်ကယ်က စက်နိုးတော့သည်။ အကုန်လုံးကို ကျေးဇူးတင်စကားပြောပြီး ကိုးချစ်နာရီကိုကြည့်လိုက်တော့ ၈ နာရီ ၄၅ မိနစ်.....
" အမလေး....သေပါပြီ... ''
ကိုးချစ် တစ်ချိုးတည်းမောင်းခဲ့ရတော့သည်။
ကျောင်းဝင်းထဲဝင်လိုက်တော့ ဆိုင်ကယ်စတန်းမှာ ရပ်စရာနေရာမရှိတော့...
YOU ARE READING
နှစ်ထောင့်နှစ်ဆယ့်ရှစ် ( ၁၅၀၀ + ၅၂၈ ) ( Complete )
Romanceရွယ်တူ သူငယ်ချင်းနှစ်ယောက်က မွေးပေမယ့် အသက် ၁၂ နှစ်ကွာတဲ့ ကိုကိုနဲ့အူကြူးလေးတို့အကြောင်း
