Uni
.
.
.
.ကိုးချစ် ကျောင်းပြန်ဖွင့်တော့လည်း ဆိုင်ကယ်နဲ့ပဲ သွားဖြစ်သည်။ ကျောင်းပိတ်တုန်း မင်္ဂလာဆောင်သွားတာမို့ သူငယ်ချင်းတွေက ဝိုင်းမေးကြသေး၏။
ခ နှစ် ခရော ရတနာနဲ့ပါ မတွေ့ရတာ ကြာနေပြီဖြစ်တာမို့ ညနေကျောင်းဆင်းတော့ မုန့်ဝင်စားကြသေးသည်။
" သော်သော် နင့်လူကြီးက အဲလိုမုန့်စားတွေ ဘာတွေကျ သွားခိုင်းတယ်ပေါ့လေ ''
ရတနာ့စကားကြောင့် ကိုးချစ် ကြောင်သွားသည်။
" ဘာလို့ မသွားခိုင်းရမှာလဲ ကိုကိုက အဲလိုကြီး မချုပ်ချယ်ပါဘူးဟ ''
" ဘယ်နှခုနှစ်ရောက်နေပြီလဲ ရတနာရာ ဒိတ်အောက်လိုက်တာ ဒီမှာ ညစ်နေရတဲ့ထဲ နင်ကတစ်မျိုး ''
မဆီမဆိုင် စိတ်ညစ်ကြောင်း ထပြောတဲ့ ခင်ခင်ခ ....
" နင်က ဘာစိတ်ညစ်တာတုန်း ''
" ငါ့အမေပေါ့ မိန်းကလေးချင်း အီစီကလီလို့တဲ့ ပူညံပူညံပဲ ''
ခင်ခင်ခက ကျောင်းမှာ စော်ကြည်တဲ့ စော်ကြီးဖြစ်သည်။ တော်ရုံ ရုပ်ရှိရေလျှံ ယောက်ျားလေးတွေထက် စော်ပိုကြည်သည်။ ချစ်သူများနေ့ဆို ချောကလက်တွေပါရသည်။ ခ နှစ်ခ က ကိုးချစ်တို့ကျောင်းရဲ့ စတားတွေထဲမှာပါသည်။ အခုလည်း ခင်ခင်ခက ဂျူနီယာနှစ်ထဲက ကောင်မလေးတစ်ယောက်နဲ့ အီစီကလီ ဖြစ်နေသည်။
" ယောက်ျားလေးပြောင်းကြိုက်ပေးလိုက် ''
ဝန်းရံခ အပြောကြောင့် ခင်ခင်ခမျက်နှာ ရှုံ့တွန့်သွားသည်။
" ငါမှ ယောက်ျားမကြိုက်တာ... မိန်းကလေးပဲ ကြိုက်တယ် ''
" နင့်အမေကလည်း ခေတ်မမီတာလား ဘာလား ''
ဝန်းရံခ က ဆက်ပြောတော့ ခင်ခင်ခက ခေါင်းအသာရမ်း၏။
" အတည်မထားဘဲ အီစီကလီပဲ ရိုက်လို့ပါတဲ့ဟာ .... ငါ့အမေက လူလူချင်း ချစ်တာ အပြစ်မဟုတ်ဘူးတဲ့ မိန်းကလေးချင်း ချစ်လည်းရတယ် ဒါပေမယ့် အီစီကလီလုပ်ပြီး play တာကို သဘောမကျတာတဲ့ဟေ့ ''
ကိုးချစ်တို့ ခင်ခင်ခအပြောကြောင့် သဘောကျနေကြသည်။
ရတနာနဲ့ ဝန်းရံခက ရည်းစားထားနေကြပြီဖြစ်သော်လည်း ခင်ခင်ခကတော့ အီစီကလီ အဆင့်နဲ့သာပြီးနေ၏။
YOU ARE READING
နှစ်ထောင့်နှစ်ဆယ့်ရှစ် ( ၁၅၀၀ + ၅၂၈ ) ( Complete )
Romanceရွယ်တူ သူငယ်ချင်းနှစ်ယောက်က မွေးပေမယ့် အသက် ၁၂ နှစ်ကွာတဲ့ ကိုကိုနဲ့အူကြူးလေးတို့အကြောင်း