Uni
.
.
" ဟင်း... မ..သွား...နဲ့... ''
" ဖေ..ဖေ...ပါ... ကလေး...''
ညည်းသံသဲ့သဲ့နဲ့ လှုပ်ရှားမှုတချို့ကြောင့် ကိုးချစ် နိုးလာကာ အိပ်ချင်မူးတူး ဘေးဘီကိုကြည့်မိတော့ ကိုယ့်အခန်းနဲ့ကိုယ်မဟုတ်ဘဲ ကိုကို့အခန်းထဲအိပ်ပျော်နေတဲ့အဖြစ်ကို သိသွားသည်။
" ဖေ...ဖေ.. တောင်း...ပန် ''
လေသံတစ်လုံးချင်း အားယူပြောကာ ရှိုက်နေတဲ့အသံကြောင့် ကိုးချစ်ကြည့်လိုက်တော့ ကိုကိုက အိပ်ရင်းယောင်နေတာပင်။
" ဒီမှာ.... ဒီမှာ.... ''
ပုခုံးကို လှုပ်နှိုးလိုက်လို့ နိုးလာသည့်တိုင် ယောင်ယမ်းကာပြောနေတုန်းပင်။
" ဖေဖေ တမင်လုပ်တာမဟုတ်ပါဘူး ကလေးရယ်... မသွားကြပါနဲ့ မငိုပါနဲ့ ''
" ဒီမှာ.... သတိလေးထားဦး.... ကိုမင်းခန့်ညား ''
ရင်ဘတ်ကို ခပ်ဆတ်ဆတ်လေးပုတ်ရင်းပြောတော့မှ သတိဝင်လာဟန်နဲ့ ကိုးချစ်ကို မော့ကြည့်လာသည်။
" ကိုကို အိပ်မက်မက်တာထင်တယ် ကလေးလေး...''
ပြောရင်း မျက်လုံးတွေကို ဖိကာပွတ်သည်။
" ဘာအိပ်မက်လဲ ''
အရင်က အိပ်မက်မက်ပြီးယောင်တာမျိုး မကြုံဖူးသည့်အပြင် ဖေဖေ ဟု အသုံးအနှုန်းတွေကိုပါ ကြားလိုက်ရတာမို့ ကိုးချစ်ပြန်မေးမိတော့ ပြုံးရင်းခေါင်းယမ်းပြသည်။
" ဒီတိုင်း အိပ်မက်ဆိုးတွေပါ... ကလေးက ဘယ်လိုရောက်လာတာလဲ ခုထိ အခန်းမပြန်ရသေးဘူးလား ''
ထိုစကားကြားတော့မှ ကိုးချစ် ခန္ဓာကိုယ်မတ်သွားရသည်။ သူ့အခန်းထဲ အိပ်ပျော်သွားတာ ဒီလူကြီးသိလို့မဖြစ်ဘူး။
" ရေထသောက်တာ။ ခင်များ ငိုသံကြားလို့ ဝင်လာတာ ''
" ဪ ''
မင်းခန့်ညား ယုံသယောင်ခေါင်းငြိမ့်ပြလိုက်ပေမယ့် ကလေးပုံစံမှာ ညကတည်းက ကျောင်းသွားတဲ့ အဝတ်အစားအတိုင်းပဲမို့ သူနဲ့အတူအိပ်ပျော်သွားတာမှန်း သိလိုက်သည်။ ရင်ထဲ ကြည်နူးသွားပေမယ့် ကလေးရှက်မှာစိုးတာကြောင့် မသိသလိုသာနေလိုက်၏။
ESTÀS LLEGINT
နှစ်ထောင့်နှစ်ဆယ့်ရှစ် ( ၁၅၀၀ + ၅၂၈ ) ( Complete )
Literatura romànticaရွယ်တူ သူငယ်ချင်းနှစ်ယောက်က မွေးပေမယ့် အသက် ၁၂ နှစ်ကွာတဲ့ ကိုကိုနဲ့အူကြူးလေးတို့အကြောင်း
