Uni
.
.
." ဟေ့ကောင် ရဲထွဋ်ကို.... မင်းကောင်ကြီးက စက်ပိတ်ထားတာကွ ခေါ်မရဘူး ''
" ဟူး...ဒီကောင် ဆေးရုံတွေလည်း မထိုင်တော့ဘူးပြောတယ် ဘာတွေလုပ်နေမှန်းမသိဘူး ''
" အေး ငါလည်းသိပ်သဘောမကျဘူး ပုံမှန်ဖြစ်လွန်းနေတယ် ဒီကောင့်ပုံစံနဲ့ဆို ငိုယိုပြီး အသည်းကွဲနေတာမှ ပုံမှန်ဖြစ်နေရမှာ... အခုက ဘာမှမခံစားရသလိုကို ဖြစ်နေတာ ''
" အိမ်လိုက်သွားရအောင်ကွာ ရှိမှာပါ ''
မင်းခန့်ညား ဆေးရုံတွေမထိုင်တော့ကြောင်း သတင်းကြားတာပြီး ဖုန်းဆက်တော့ စက်ပိတ်ထားတာမို့ မဟုတ်တာ တစ်ခုခုလုပ်မှာ စိုးရိမ်နေကြသည်။
ကွန်ဒိုရောက်တော့ ပါကင်မှာ ခန့်ညားကားကိုတွေ့ရတာမို့ စိတ်ပိုပူရသည်။ အပေါ်တက်လာခဲ့တော့ အရှေ့မှာ စျေးခြင်းတောင်းနဲ့ လေးတွဲတွဲလမ်းလျှောက်နေတာက ဒေါ်ရီပင်...
" ဒေါ်ရီ ''
" ဟေ... ဪ ထွဋ်ကြီး နဲ့ ကောင်းကြီး... ခန့်ခန့်ဆီလာတာလား ''
" ဟုတ် ဒေါ်ရီ ဖုန်းဆက်မရလို့ ဒီကောင့်ကား အောက်မှာတွေ့ခဲ့တယ်''
" ဟင်းး.... ခန့်ခန့်က ကလေးသွားပြီးကတည်းက အပြောအဆိုသိပ်မရှိဘူး ''
အိမ်ရှေ့ရောက်တော့ ဒေါ်ရီက နံပါတ်နှိပ်ကာ အိမ်တံခါးကို ဖွင့်ပြီး ဝင်လိုက်ရင်ပဲ သူတို့တွေ့လိုက်ရတာက....
" ဒုန်း ''
" သား... ခန့်ညား ''
" မင်းခန့်ညား ''
အောင်ကောင်းမြတ်က တွဲလောင်းဖြစ်သွားတဲ့ မင်းခန့်ညားကို ခြေထောက်က မ ထားလိုက်ပြီး ရဲထွဋ်ကိုက ဓားယူကာ ကြိုးကို ဖြတ်ချသည်။
" ခန့်ညား မင်းခန့်ညား.... ငါခေါ်တာကြားလား ''
ဒေါ်ရီကတော့ ထိတ်လန့်သွားကာ အသံပင်မထွက်နိုင်တော့။ နွယ့်အိမ်မှာနေပေမယ့် ခန့်ညားဆိုတာလည်း ကိုယ့်တူလေးလိုပင်။
နှလုံးကတော့ ခုန်လို့နေသေးသည်။
" ကောင်းကြီး မ ကွာ ဆိုဖာပေါ်ရွှေ့ ''
YOU ARE READING
နှစ်ထောင့်နှစ်ဆယ့်ရှစ် ( ၁၅၀၀ + ၅၂၈ ) ( Complete )
Romanceရွယ်တူ သူငယ်ချင်းနှစ်ယောက်က မွေးပေမယ့် အသက် ၁၂ နှစ်ကွာတဲ့ ကိုကိုနဲ့အူကြူးလေးတို့အကြောင်း