Uni
.
.မင်းခန့်ညား ဖလမ်းကိုရောက်တာ တစ်လကျော်ပြီဖြစ်သည်။
မေမေ့ကို စီမံကိန်းရှိလို့ဟုသာပြောခဲ့ပေမယ့် တကယ်တော့ ဘာစီမံကိန်းမှ မဟုတ်.... ကိုးချစ်နှုတ်ကနေ သူ့ကိုမဟုတ်ဘဲ ကောင်းဝန်းရံခ ကို ပဲ ချစ်တယ် ဆိုသည့်စကားကို မကြားရဲလို့ ရှောင်ပြေးလာခဲ့တာပင်....
ကလေးလေးမှာ သူထွက်လာတဲ့နေ့က ငိုယိုပြီး မေ့လဲကာ သုံးရက်ဆက်တိုက် အဖျားမကျဘူးဆိုတာကြောင့် ပြန်တော့မလို့ စိတ်ကူးလိုက်သေးသည်။
ဖုန်းကဒ်ကိုလည်း ပြောင်းလိုက်ပြီး ဆိုရှယ်မီဒီယာအကောင့်တွေအကုန်လုံးကို ဖျက်ချပြီး မသုံးဘဲနေလိုက်တာမို့ ကလေးအသံလေးကိုပင်မကြားရဘဲ အလွမ်းဒဏ်ကို အလူးအလဲခံရသည်။
ဒီမှာပဲ အိမ်ခပ်သေးသေးတစ်လုံးငှားထားပြီး ဆေးခန်းလည်းမဖွင့်ဖြစ်....
မေမေ့ကိုတောင် ရောက်ကာစ တစ်ခါပဲ ဆက်သွယ်ရသေးကာ ကိုးချစ်ကို ဘာမှ မပြောဖို့ ပြောထားသည်။ မေမေကတော့ ဘာလို့မပြောရမှာလဲ ဆိုပြီး ရစ်နေပြီး ကလေးကို ပစ်ထားခဲ့လို့ဟုဆိုကာ ဆူငေါက်နေသည်။
" မင်း ဘာကိစ္စ ကလေးကို မပြောသွားတုန်း..ငါကပြောသွားတယ် အောက်မေ့လို့.. ငိုပြီး မေ့လဲတာ... ဖျားတာလည်း သုံးရက်တောင် မင်းကိုချည်း တ နေတာ...''
" ပြီးရင် ပြန်လာမှာပါ မေမေရယ်...ဒီမှာက အရမ်းအလုပ်များလို့ အဆက်အသွယ်လုပ်နိုင်မှာ မဟုတ်ဘူး...ကလေးကို ဘာမှ သွားပြောမနေနဲ့နော်....''
" ကလေးက မင်းကို လွမ်းနေတာ... ဘယ်တော့ ပြီးမှာလဲ..''
" မပြီးသေးဘူး မေမေ... ခြောက်လလောက်တော့ အနည်းဆုံးဖြစ်လောက်တယ်...ကလေးကို ဘာမှ သွားမပြောနဲ့နော်... ရုံးကလူတွေ ထမင်းစားခေါ်နေလို့ သွားလိုက်ဦးမယ်...''
ပြောပြီး ဖုန်းချကာ ဖုန်းကိုသာ တွေတွေကြီးစိုက်ကြည့်နေမိသည်။ သုံးရက်လောက် အခန်းပိတ်ကာ ငိုနေမိတာမို့ မေ့လဲသွားသည်။
ကံကောင်းထောက်မစွာဖြင့် အိမ်ရှင်အဖွားက နေမကောင်းလို့ ဆေးလေးလာတောင်းရင်း အထဲကို ခေါ်မရတာကြောင့် အော်ဟစ်အကူအညီတောင်းကာ တံခါးဖျက်ဖွင့်ပြီး ခြေဆုပ်လက်နယ်လုပ်ပေးကြမှ သတိပြန်လည်လာသည်။
YOU ARE READING
နှစ်ထောင့်နှစ်ဆယ့်ရှစ် ( ၁၅၀၀ + ၅၂၈ ) ( Complete )
Romanceရွယ်တူ သူငယ်ချင်းနှစ်ယောက်က မွေးပေမယ့် အသက် ၁၂ နှစ်ကွာတဲ့ ကိုကိုနဲ့အူကြူးလေးတို့အကြောင်း