Uni
.
.
.ဘာလိုလိုနဲ့ ခန့်ညားပင် အသက် ၂၇ ထဲရောက်လာပြီဖြစ်သည်။ ဘွဲ့ရပြီး မင်းခန့်ညား နှင့် ကြင်နာဦးက ဆေးရုံကြီးမှာ တာဝန်ကျသော်လည်း ရဲထွဋ်ကို က နယ်ဆေးရုံမှာ တာဝန်ကျသည်။
' တူ.....တူ.....တူ...'
ခန့်ညား ဝပ်ထဲကပြန်လာပြီး နားနေခန်းထဲဝင်နေတုန်း ဖုန်းကမြည်လာလို့ ကြည့်လိုက်တော့ ထွဋ်ကြီးဖြစ်လေသည်။
' ဟယ်လို..'
' အေး..ကောင်ကြီး..အဆင်တွေပြေနေပလား..'
' အေးကွ....ကြိုးစားနေရတုန်း '
' မင်းက ဘွဲ့လွန်တက်ဖို့ UK သွားမှာဆို ကျောင်းဝင်ခွင့်ကရပြီလား '
' အေး...နီးစပ်နေပြီကွ...စာပြန်ကျက်နေရတာ ငါ့ဘဝလည်း '
' အေး.... အေး..'
ထွေရာလေးပါးပြောပြီး ဖုန်းချသွားလေသည်။ ခန့်ညားက ဘွဲ့လွန်ကို UK မှာ သွားတက်ဖို့ ပြင်ဆင်နေတာဖြစ်၏။ အကုန်အဆင်ပြေနေသော်လည်း အဆင်မပြေတာ တစ်ခုရှိသည်။ ထိုအရာကား........
.
.
.
ကြင်နာဦး..... ဟုတ်သည်။ ငွေဆောင်က ကိစ္စပြီးကတည်းက ကြင်နာဦးက ခန့်ညားကို တမောင်တည်း မောင်နေတော့သည်။ ပြောလို့လည်း မရ.... ဖြတ်လို့လည်း မရ...အတင်းကိုတွယ်ကပ်နေသည်။
ကျောင်းမှာကတည်းက အတင်းတွယ်ကပ်နေတာမှန်း သိတဲ့သူတွေ သိကြသော်လည်း မသိသည့်သူများကတော့ မင်းခန့်ညား က ရည်းစားကို မချစ်ဘူး.....ကောင်မလေးအပေါ်နိုင်စားသည်...ဟု နာမည်ဆိုးထွက်ရသည်။' မောင် '
နားနေခန်းဝ က အသံကြောင့် ခန့်ညားစိတ်ညစ်သွားရ၏။
' ကြင်နာဦး နင် ငါ့ကို အဲလို လာလာမလုပ်စမ်းနဲ့ဟာ...ငွေဆောင်က ကိစ္စက နင့်ဟာနင် ငါ့ကို လာနမ်းတာလေ ဒုက္ခပဲဟာ ငါနဲ့ ခပ်ခွာခွာနေစမ်းပါ '
' နင်ပဲ ငါ့ကို တွဲရအောင်ဆိုပြီး ပြောတာလေ....'
' ဟ....လူကြားထဲ နင်က လာပြောလို့မို့ နင်အရှက်ကွဲမှာစိုးလို့ ကြည့်ကောင်းအောင် ပြန်ဖြေရတာလေ နင် သွားစမ်းပါဟာ '
ဆေးရုံမှာလည်း ခန့်ညားကို သူနာပြုဆရာမတွေနဲ့ သဝန်တိုပြတာလိုလို လူတွေရှေ့ဆို နှုတ်ခမ်းဆူ စိတ်ကောက်ပြတာလိုလိုတွေ အထင်မလွဲ လွဲအောင်လုပ်ပြတာကြောင့် တကယ် သမီးရည်းစားတွေထင်နေကြသည်။
ΔΙΑΒΑΖΕΙΣ
နှစ်ထောင့်နှစ်ဆယ့်ရှစ် ( ၁၅၀၀ + ၅၂၈ ) ( Complete )
Ρομαντικήရွယ်တူ သူငယ်ချင်းနှစ်ယောက်က မွေးပေမယ့် အသက် ၁၂ နှစ်ကွာတဲ့ ကိုကိုနဲ့အူကြူးလေးတို့အကြောင်း