Burst Into Flames [ Published Under Pop Fiction #CLOAK ]

Chapter 3: Persidal Village (Mission 1- Part 1)

Ilang metro pa ang layo namin sa pinaka-main entrance ng Persidal Village ay tumigil na ang karwaheng sinasakyan namin ni Grayson.

"Hanggang dito na lang ako," wika ng lalaking kutsero sa amin. "Kahit na nanggaling ako sa nayon na ito, hindi pa rin mawawala sa akin ang takot dahil sa nangyayari sa lugar na ito. Pasensiya na pero hindi ko na kayo maihahatid hanggang sa mismong pasukan ng nayon namim," paliwanag nito at binalingan kami ni Grayson. Hindi ako nagsalita at tahimik na pinagmasdan na lamang ito. I can feel it and understand him. Natatakot talaga ito sa kung anong mayroon sa sariling nayon nila.

"Sige po," maingat na sambit ni Grayson na siyang ikinabaling ko naman sa kanya. Nagkibit-balikat na lamang ako rito, dinampot ko na ang bag at mabilis na isukbit ito sa may balikat ko. Akmang magbabayad na si Grayson sa lalaki noong umiling ito sa kanya. Natigilan akong muli at hindi inalis ang paningin sa kutsero.

"Huwag na kayo magbayad sa naging serbisyo ko. Ayos lang na hindi niyo ako bayaran sa paghatid sa inyo rito. Basta ipangako niyo lang sa akin na tutulungan niyo ang mga Tereshlian na naninirahan sa nayon na ito."

Nagkatinginan kami ni Grayson sa narinig. Napataas ang isang kilay ko sa kanya at mayamaya lang ay wala sa sariling napatango na lamang. Nauna akong bumaba kay Grayson at noong balingan ko itong muli, namataan ko ang paglapag nito ng pera sa kinauupuan nito kanina. Mabilis na umiling ang lalaki kay Grayson pero tila wala itong narinig sa kausap. Tahimik ko itong pinagmasdan at noong makababa na rin ito sa karwahe, napasalamat na kami sa kutsero at nagpaalam na sa kanya.

Tahimik kaming naglakad ni Grayson hanggang sa tuluyang matanaw namin ang main entrance ng Persidal Village. I looked around. This place looks so peaceful. Masyadong tahimik. Tanging huni ng mga ibon at hampas ng hangin sa matatayog na puno lamang ang naririnig ko. Napahugot na ako ng isang malalim na hininga at pinagpatuloy ang pagmamasid sa tahimik na paligid.

"So, what's the plan?" basag ni Grayson sa katahimikan naming dalawa. Tiningnan ko ito at hindi agad sinagot ang naging tanong niya. Am I really teaming up with this man? Sa dinami-rami ng Agent sa Tynera, si Grayson Tyler pa talaga ang makakasama ko sa trabahong ito! I can't believe this! Hanggang ngayon ay hindi ko pa rin matanggap na kasama ko sa isang trabaho ang lalaking ito!

I took a deep breathe before answering him. Wala na akong pagpipilian pa. "Let's go to the village first," mahinahong sambit ko sa kanya. Nandito na kaming dalawa. Ano pang inaarte ko ngayon? Grayson is a strong wind attributer, a strong Agent. Alam kong matutulungan niya ako sa misyon na ito. I'll set aside first our personal issues. Bahala na pagkabalik namin sa Tynera. Doon ko na siya aawayin ulit! For now, kailangan naming magtrabaho muna!

Tahimik kaming dalawa ni Grayson habang naglalakad papalapit sa mismong nayon. Panay ang baling ko sa magkabilang parte ng gubat at nagbabaka sakaling may mamataan ako maliban sa naglalaking mga puno. Pinakiramdaman kong muli ang paligid. This place is annoyingly quiet! Nakakabanas ang katahimikang nararamdaman ko ngayon sa lugar na ito!

"Strange." Narinig kong sambit ni Gray sa tabi ko. "I don't sense anything. Ni walang mababangis na hayop akong maramdaman ngayon sa paligid natin."

Napatango ako sa tinuran nito. I agree with him. Sa ganitong klaseng gubat ay dapat mayroon na kaming makikita man lang na mababangis na hayop. Ilang minuto na kaming naglalakad ngunit ni isa ay wala kaming nakita man lang!

Napailing na lamang ako at pinagpatuloy ang paglalakad. Mayamaya pa'y natigil kaming dalawa sa paglalakad noong makarinig kami ng kaluskos. "Heard that?" Grayson quitely asked. Napairap ako sa kanya. Obviously, Gray. Of course, narinig ko iyon! Pinandilatan ko ito ng mga mata at pinatahimik na. Ang ingay talaga ng isang ito! Nagpalingon-lingon ako sa paligid at hinanap ang pinanggalingan ng kaluskos na narinig. Ipinilig ko ang ulo pakanan noong muling tumahimik ang buong paligid. Great! Wala na naman akong maramdaman na kung ano sa lugar na ito!