Burst Into Flames [ Published Under Pop Fiction #CLOAK ]

Chapter 27: Revenge

Alas-kuwatro pa lang ng umaga ay gising na ako. Nakaligo at handa nang simulan ang araw ko.

Tulog pa ang apat na lalaking kasama ko ngayon sa silid. Nasa lapag ang mga ito at nagsisiksikan sa iisang kamot. I silently watched them. Ewan ko bas a mga ito at talagang ipinagpilitan na sa isang silid na lamang kami. Ako ang pumuwesto sa kama samantalang silang apat ay sa sahig na natulog. Mayamaya lang ay napailing na lamang ako no'ng marinig ang mahinang hilik mula kay Grayson. Napahugot na lamang ako ng isang malalim na hininga at maingat na kumilos.

Dahan-dahan akong naglakad patungo sa nakasarang pinto ng silid. Sinigurado kong wala akong magagawang ingay na puwedeng bumulabog sa tulog ng mga kaibigan ko. I moved carefully until I reached the door. Binuksan ko iyon at nagpatuloy na sa paglalakad palabas ng bahay na kinaroroonan namin ngayon.

Noong tuluyan na akong makalabas ay mabilis akong napahawak sa magkabilang braso ko. Humugot akong muli ng isang malalim na hininga at napakagat na lamang sa labi ko. Madaling araw pa lang kaya naman malamig pa ang buong paligid. Malamig at madilim.

I sighed again then ignored the cold feeling I'm having right now. Sanay naman ako sa ganitong temperatura kaya namay pinagsawalang bahala ko na lamang iyon. Nagpatuloy ako sa paglalakad at hinayaan na lamang ang mga paa sa direksiyon na tatahakin ko.

Tahimik.

Payapa.

Ito ang bumungad sa akin sa sentro ng Dark World. Bagama't tahimik ngayon, ramdam ko pa rin ang itim na kapangyarihang bumabalot sa buong lugar. Nagpatuloy ako sa paglalakad habang yakap ang sarili. Maingat at halos walang ingay ang kilos ko ngayon. I need to find something here. Anything. Kung ano man itong nais kong malaman sa lugar na ito ay hindi ko pa matukoy. Tila ba'y may nag-uudyok sa aking libutin ang buong lugar. There's something I need to find in the place. Mukhang hindi ako mapipirmi hangga't hindi ko iyon matatagpuan.

Ilang metro na ang aking nalakad no'ng bigla akong natigil sa pagkilos dahil sa kakaibang enerhiyang naramdam sa paligid. Inalis ko ang mga kamay sa sariling braso at umayos nang pagkakatayo. I scanned the whole place. I silently watched the houses and when the energy I felt earlier suddenly gone, I sighed. Ipinilig ko ang ulo pakanan at pinagmasdan pa rin ang paligid. Nothing's strange. Kagaya kanina noong dumating ako rito, tahimik pa rin ang buong sentro. Mukhang tulog pa ang mga Tereshlian na naninirahan sa lugar na ito.

Napailing na lamang ako at akmang ihahakbang ko na sanang muli ang mga paa ko no'ng may naramdaman na naman akong kakaiba sa paligid. But this time, I ignored it. Nagpanggap akong walang naramdamang presensiya at nagpatuloy sa paglalakad. Kinagat ko ang pang-ibabang labi at mas pinalakas ang pandama ko.

There... I sense its presence again.

Tama nga ang hinala ko. May sumusunod sa akin ngayon! I closed my fist firmly because of that. This person must be a member of Malverine! Sino ba naman kasi ang maglalakas loob na sumunod sa isang Agent na galing Tynera kagaya ko? Nagpatuloy ako sa paglalakad at inihanda na lamang ang sarili kung sakaling umatake man ang lalaking ito sa akin.

Sa isang lumang gusali ako dinala ng mga paa ko. Natigil ako sa paglalakad at kunot-noong tiningnan ang gusaling nasa harapan. This building is about to collapse! May nakatira pa bas a gusaling ito? Mayamaya lang ay napakunot muli ang noo ko noong maramdaman ko ang isang pamilyar na kapangyarihan. Napangiwi ako at napailing na lamang.

It's Grayson's presence! He's here! Hindi ako maaaring magkamali! Agad kong inilibot ang paningin sa paligid ngunit hindi ko ito makita. I'm pretty sure that he's here! "Grayson!" I called him out. Where the hell is that guy? "Gray-"

Hindi ko na natapos ang dapat na sasabihin ko noong may humatak bigla sa akin at agad na tinakpan ang bibig ko. Nanlaki ang mga mata ko sa ginawa nito at hindi naka-alma noong bigla niya akong hinila patungo sa tagong parte ng gusaling nasa harapan.