Burst Into Flames [ Published Under Pop Fiction #CLOAK ]

Chapter 23: Anatasia's Memory

"Anastasia. Hindi kita agad nakilala," magiliw na wika ni Hades sa akin na siyang ikinakulo ng dugo sa katawan ko. Kakapasok pa lang namin sa mansyon nito at talaga bang iyon agad ang ibubungad niya sa akin? Seriously? "It's been what? Fifteen years?" tanong pa nito sabay tipid na ngumiti sa akin.

I crossed my arms against my chest. Pinagtaasan ko pa ito ng kilay. Mayamaya pa'y namataan ko ang mga nagtatakang titig ng mga kasama ko sa akin, maliban kay Grayson. "How come you survived, Hades?" seryosong tanong ko habang hindi inaalis ang matamang titig sa kanya.

Ang giliw sa kanyang mukha ay napalitan ng pagkaseryoso. Umayos nang pagkakatayo si Hades at sinalubong ang titig ko sa kanya. He sighed before speaking again. "So, hindi mo pa rin pala nakakalimutan ang nangyari noon." He gently said. "Ana, matagal nang nangyari iyong trahedyang iyon. It was done and ended badly in our side. And until now, I'm still paying for what I've done years ago. Kaya nga nandito ako sa lugar na ito ay dahil sa kasalanang nagawa ko noon."

Hindi ako kumibo sa kinatatayuan ko at hindi inalis ang matamang titig kay Hades. Mariin kong ikinuyom ang mga kamao at noong akmang magsasalita na sana akong muli, namataan ko ang pagkilos ni Hades at ibinaling sa mga kasama ko ang atensiyon nito. "I'm sorry about," anito at bahagyang yumukod. Mayamaya lang ay humarap itong muli sa akin. "Sa tingin ko ay hindi ito ang tamang lugar at panahon para pag-usap natin ang tungkol sa nangyari noon, Anastasia. Pasensiya ka na. Hindi ko na dapat iyong sinabi kanina." He sighed again. "You're here because of the Council's request. Iyon lang dapat ang pinag-uusapan natin at wala nang iba pa. You're here because of them," seryosong saad nito na ikinakunot naman ng noo ko.

So, alam na nito ang kung anong pakay namin sa lugar na ito.

"Lately, may napapansin akong kakaiba sa lugar na ito. Kahit ako ang pinaka-pinuno rito, may mga bagay pa rin na hindi ko kontrolado. At isa na roon ang mga dating miyembro ng Malverine. They kept on using dark magics within our premises."

"Hindi ba pinahihintulutan naman kayo na gumamit nito?" takang tanong ni Blue kay Hades.

Tumango naman ito sa kanya. "Yes, we're allowed to use our dark magic but not to the extent that we harm innocent people," seryosong sagot ni Hades sa naging tanong ni Blue sa kanya.

Hades Miller. My cousin... a fire attributer from Aundros that has a dark and deadly magic, whom I thought was killed and died along with my parents. Inborn dark magic ni Hades. Hindi niya ito nakuha o natutunan noong nag-aaral pa siya sa academy. Parang special ability lang namin iyon. Simula noong ipinanganak siya, taglay na niya ang kapangyarihang iyon.

Noon, isa si Hades sa mga kumalaban sa Malverine. Mas matanda lang ito kay Kuya Anthony ng isang taon. Isa siya sa mga kasama ng mga magulang ko sa naging misyon nila. Isa siya sa lumaban at sa huli, nabigo at hindi na muling nakaahon pa.

I saw it with my two eyes. Kitang-kita ko kung paano nila ginamit si Hades laban sa mga kasamahan niya. I saw how they used his magic against the members of the Council. I saw... I witness how they used Hades to end my parent's life. They used his dark magic.

His magic killed them both. His magic killed my parents.

"Ana." Tawag pansin ni Grayson sa akin. I looked at him. Maingat itong tumango sa akin bago bumaling muli kay Hades. "We'll go now, Hades. Sa sentro kami ng Dark World pansamantalang mamamalagi."

Tumango lang si Hades kay Gray at hinarap akong muli. "Mag-iingat kayo. Lalo ka na, Ana. You know how dangerous and deadly they are. You already know them. Alam kong alam mo kung paano sila lumaban."

"Mas delikado at mas nakakamatay ba sila sa'yo, huh? Hades?" seryosong tanong ko na siyang ikinatigil naman ni Hades. I know, walang kasalanan ang pinsan ko sa nangyari noon. But still, hindi maalis sa akin ang poot sa nangyari noon. It was his goddamn magic! Kahit na hindi naman siya ang kumokontrol noon, kapangyarihan niya pa rin iyon!