Burst Into Flames [ Published Under Pop Fiction #CLOAK ]

Chapter 6: Persidal Village (Mission 1- Part 4)

Tahimik kaming tatlo habang tinatahak ang daan patungo sa gusaling nakita kanina.

Nasa dalawang palapag lamang ito at dahil malayo na ito sa main village, hindi ito basta-bastang makikita nila. So, it means... dito namamalagi iyong puno't-dulo ng gulo sa Persidal Village? Sa lakas ng kapangyarihang nararamdaman ko ngayon, imposibleng wala dito ang sagot hinahanap namin ngayon!

"Now I remember this place," wika ni Clarisse noong nasa tapat na kami ng gusali. "This place was a sacred place near Persidal Village. An ancient one. Ang buong akala ko'y hindi ito totoo. Minsan na itong nabanggit sa akin ng aking ama ngunit ang sabi niya matagal na itong wala. This place was supposed to be just part of history," dagdag pa nito at humugot ng isang malalim na hininga.

Hindi ako nagsalita at tiningnan lamang ang matayog na pinto ng gusaling nakita namin kanina. Inilapat ko ang kamay sa pinto nito ngunit agad din akong napaatras noong makaramdaman nang malakas na kuryente mula roon. The hell?

"Ana, ayos ka lang?" Nag-aalalang tanong ni Clarisse sa akin habang tinitingnan ko ang kamay kong lumapat sa pinto kanina. What kind of power was this? Ipinilig ko ang ulo pakanan at maingat na ibinaba ang kamay. Mayamaya lang ay nakarinig ako ng kakaibang ingay sa loob ng gusali. Mabilis akong napabaling kay Grayson at namataan ang seryosong mukha nito. Mas malakas ang pandama ni Grayson kumpara sa akin kaya alam kong narinig nito ang kung anong narinig ko sa loob. I know he can feel how powerful and dangerous this situation we have right now!

At nandito na kami, wala nang atrasan ito!

"Clarisse, can you fight, right? Combat fighting?" I asked her. Sanay kami ni Grayson sa labanan. We were trained for that. In this situation, we need to make sure that no one will get hurt.

Tumango sa akin si Clarisse at umayos nang pagkakatayo. "Yes. I can fight. Plus, the fact that I have my cursed magic, sa tingin ko ay 'di ako magiging pabigat sa inyong dalawa," aniya na siyang ikinatango ko na lamang din sa kanya. Hindi naman iyon ang nais kong iparating sa kanya pero bahala na. I just want her to protect herself kung mapasabak kaming dalawa ni Grayson sa labanan. It's useless to explain to her my side right now. And I hate explaining! Bahala na si Clarisse sa nais niyang isipin tungkol sa naging tanong ko sa kanya.

Si Grayson na ang nagbukas ng pinto ng gusali. Tahimik naming pinagmasdan ang madilim na pasilyo at noong makarinig na naman ako ng kakaibang ingay, mabilis kong ikinilos ang mga paa ko. "Not so fast, Anastasia," ani Grayson at mabilis na pinigilan ako. "Ako ang mauuna," seryosong saad nito at nauna nang maglakad sa aming dalawa ni Clarisse. Nagkibit-balikat na lamang ako at sumunod na sa kanya.

Inalerto ko ang sarili sa maaring mangyari habang tinatahak namin ang mahaba at madilim na pasilyo. Mayamaya lang ay napailing ako noong hindi ko na nakayanan pa ang dilim ng paligid. Napangiwi na lamang ako at itinaas na ang isang kamay ko. I created a fire ball and give us a little light. Kita kong napatingin si Clarisse sa akin na siyang ikinakibit-balikat ko na lamang. Mayamaya lang ay huminto kami sa paglakad sa may isang bilogang espasyo sa gitna ng pasilyong tinatahak kanina.

Itinaas kong muli ang kamay ko at noong i-di-disolve ko na sana ang fire ball na ginawa ko kanina, agad na lumipad ito sa kung saan. Napakunot ang noo ko at napatangin sa paligid noong isa-isang nagsi-ilaw ang mga sulong nakakabit sa pader ng gusali.

"It absorbed your attribute," mahinang wika ni Grayson na siyang ikinatigil ko.

Napaawang ang labi ko at tiningnan ang mga sulo na siyang humigop ng fire ball ko. Hindi ko inalis ang paningin dito at noong mapagtanto ko kung anong mayroon sa malawak na espayong ito, napakunot na lamang ang noo ko.

"Statues," mahinang sambit ni Clarisse at lumapit sa isa sa estatuwang naroon. Ganoon na rin ang ginawa ko samantalang nanatili naman sa kinatatayuan nito si Grayson. Hinayaan ko na lamang ito at itinuon ang buong atensiyon sa estatuwang nasa harapan. It's like a statue of an ancient warrior. May hawak pa nga itong espada. Wala sa sarili akong napakagat ng pang-ibabang labi at akmang hahawakan ko na sana ang estatuwa noong makaramdaman ako ng kakaiba mula rito. Napakunot ang noo ko at noong tingnan ko nang mabuti ang estatuwang nasa harapan, laking gulat ko noong gumalaw ito.