Burst Into Flames [ Published Under Pop Fiction #CLOAK ]

Chapter 16: Reward

Tahimik kong pinagmamasdan ngayon ang mag-amang Swan. Panay yakap ni Aurora sa ama nito at nanghingi rin siya ng paumanhin sa gulong dinulot nang biglaan pagkawala niya sa Enthrea.

Kanina pa kami nakauwing tatlo galing fairy land at tuwang-tuwa sa amin ang ama ni Aurora dahil naging matagumpay ang misyon namin ni Grayson. Panay ang pasasalamat nila sa amin at ngayon ay pinagpipilitan nilang kunin at tanggapin namin ang ibinibigay nilang pabuya sa aming dalawa.

"Mr. Swan. It's okay. Aurora is our friend. No need for that kind of reward," sambit ni Grayson na siyang ikinakunot ng noo ko. Mayamaya lang ay kinalabit ko ito. Tamad na bumaling sa akin ang lalaki at nagtaas ng isang kilay habang nakatingin sa akin.

Napairap ako sa kinaakto nito at hindi na napigilan pang tumabi sa kinatatayuan nito. "Let's accept it, Grayson," mahinang bulong ko sa kanya. "Minsan lang ang ganitong klaseng reward sa isang misyon natin. Let's take this opportunity. It's a vacation for us."

Ngayon ay napakunot na ang noo ni Gray habang nakatingin pa rin sa akin. "So, you want a vacation? hah?" mababang boses na tanong niya sa akin. "We can have our own vacation, Ana. But we can't accept this kind of reward."

"Bakit naman?" Napa-ismid na lamang ako sa kaibigan. Ano na naman kaya ang deal ng isang ito? Wala namang masama kung tatanggapin namin ang reward ng ama ni Aurora.

"We need to go back to Tynera immediately. So... it means, no vacation. For now," mariing sambit nito sa akin na siyang ikinairap kong muli habang nakatingin sa kanya.

Napailing ako at umayos na lamang nang pagkakatayo. "Pwede namang tanggapin na lang natin ito, Gray." I sighed. "Tapos gamitin na lang natin kung may oras na tayo para magbakasyon. Proble solve!" saad ko at pinagtaasan ito ng isang kilay. Hindi sumagot sa Gray at nanatiling nakatingin sa akin. Napailing muli ako sa kanya at dumistansya na sa puwesto nito. Bumaling naman ako sa kinaroroonan ni Aurora at tipid na nginitian nito. Mayamaya lang ay tumingin ako sa ama nito at marahang tumango rito. "We'll take the reward, Mr. Swan," nakangiting imporma ko sa kanya. "Saan po ba ang sinasabi niyong reward." I asked him.

Nagkatinginan naman ang mag-ama sa naging tanong ko at noong bumaling muli ang mga ito sa akin, halos sabay na ngumiti sila at hinarap ako nang maayos.

"Sa Xeerna, Ana," nakangiting sagot ni Aurora sa naging tanong ko.

"Xeerna?" Gulat na tanong ko at mabolis na napatingin kay Grayson. Is this for real? Xeerna is one of the most beautiful islands of our kingdom. It's an enchanted island! Sikat ito sa halos lahat ng mga Tereshlian na nabibilang sa Ynus! Tanging mga mararangya lamang ang nakapunta sa islang ito! Nasasakop pa rin naman ng Enthrea ang lugar na ito ngunit may isang pamilya ang nagmamay-ari sa kakaibang islang ito. It's the Dawnson family, one of the wealthiest family here in Enthrea! "Grayson! Come on! Huwag na tayong mag-inarte pa! Let"s accept it!" mariing sambit ko sa kaibigan at humakbang ng isang beses papalapit sa kanya. Hinawakan ko ang braso nito at mahinang tinulak ito. "Sige na!" Pangungulit ko pa rin sa kanya.

Hindi nagsalita si Grayson sa harapan ko kaya naman ay napahugot na lamang ako nang isang malalim na hininga. Umayos ako nang pagkakatayo at matamang tiningnan ang lalaki. "Ayaw mo?" wala sa sarili akong napalabi sa harapan niya.

"Stop it, Ana. We're not accepting it," ani nito na tila hindi naaapektuhan sa pangungulit ko sa kanya.

"Ayaw mo talaga?" tanong ko pa ulit habang matamang nakatingin sa mukha niya. Tumango naman ito bilang sagot sa naging tanong ko sa kanya. Napairap na ako. "Kung ayaw mo, puwes, ako gusto!" I suddenly hissed at him. Muli ko itong inirapan at humarap ulit ako sa mag-ama. "Puwede po bang isa lang ang pumunta sa Xeerna?" I asked them.

"You mean, you'll go there alone, Ana?" marahang tanong ni Aurora sa akin

Ngumit naman ako sa kaibigan. "Yes!" magiliw na sagot ko sa kanya. Xeerna is a wonderful island. Hindi ko sasayangin ang pagkakataong ito! I can go there with or without Grayson! I can enjoy my reward alone! Hah! Akala niya, ah!