Giovanni Clark: Gone Crazy (Golden Child Series #1)

Chapter 7

I'm deeply sorry for making you wait for too long! I've been busy, no joke, with important matters. But I hope this update is not too late to rekindle your interest. Enjoy reading and thank you for your patience! Love you all!
---

Chapter 7

Thrill

One thing I wouldn't deny, the food was divine! Gusto kong maluha sa sobrang sarap at dami noon. Hindi ko alam na dalawang set pala ang laman ng takeout box.

Paminsan-minsan tuloy akong napapatigil sa pagsubo dahil tuwing naaalala kung kanino galing ang mga iyon, dinadapuan ako ng hiya.

"Kung makatingin ka kanina, parang isusuka mo na 'yan. Tapos ngayon, isusubo mo rin pala!" eskandalosong biro ni Apollo.

Halos mabulunan ako.

"Ang daya. Dapat ako rin, Papa Gio. Pasubo..." he sighed wistfully.

Tuluyan na akong napainom ng tubig dahil bumara ata iyong kinakain ko sa lalamunan.

"Apollo!"

"What?" natatawa niyang lingon sa akin.

"Kadiri ka. Tigilan mo nga 'yan. Nakain ako!"

"Oh, same here! Respeto sa imagination ko, dear. Can't deny it. He a damn snack!"

My face heated at his malicious remarks. Hindi ko na lang iyon pinatulan at tinapos na ang pagkain bago pa man kami humantong sa iba.

After class, muli akong binati at ni-congrats ng mga kaklase bago magsilabasan ng room and it never failed to flatter me. It still felt brand new that it felt too good to be true.

I wonder kung kailan kaya ako masasanay? Sa sobrang buti sa kasi akin ng mga tao, pakiramdam ko hindi ito pangmatagalan. Pakiramdam ko babawiin din ito sa akin pagdating ng panahon dahil hindi ito para sa akin. Hindi ito ang buhay na para sa akin dahil nasanay akong...

"Hey, AppleLia!"

Kahit hindi na namin lingunin, alam na namin ni Apollo kung sino-sino iyon. Sino ba ang mga tamad bumigkas ng buong pangalan namin kaya pinagsama na lang?

Outside the door of our classroom were Kenna, Palmer, and Diego. Si Kenna ang sumigaw at nagsikaway naman ang dalawang nakadungaw rin sa pinto.

Napangiti ako nang nakita sila.

"What are you doing here making scandal?" Si Apple ang naunang lumapit doon dahil pinapasok ko pa sa bag ang mga gamit.

"Ang sungit mo! We heard Ophelia is JBA's potential VP! Tara, celebrate!" Palmer proposed enthusiastically.

Lumapit na rin ako sa kanila kaya klase-klaseng congratulatory greetings ang sinabi nila sa akin. Sabay-sabay na kaming bumaba. Ayon sa kanila, tapos na rin daw ang classes nila pero dahil maaga pa, napagkasunduan nilang mag-milktea kasama kami. Pumayag kaming dalawa kaya dumiretso na kami sa milktea shop na malapit sa school.

"Wala ba kayong new recruit sa section niyo at kami ang ginugulo niyo?" si Apollo na hinampas agad ni Kenna sa braso nang pabiro.

Napangisi ako. Kahit papano ay sanay na rin sila kay Apollo. Pagkahanap namin ng table, tumayo na si Diego para order-in ang mga napag-usapan naming orders.

"Meron na kaming ibang friends pero syempre, gusto naming i-treat si Ophelia! Kahit sa section namin, sikat 'yan, e!"

My eyes widened as I put my bag on the seat next to mine.

"Sikat? Bakit? Saan?" naguguluhan kong lingon sa kanila, kulang na lang ay kompletuhin na ang lahat ng tanong.

"Saan pa ba? Of course sa katalinuhan!"