Unicode
၃နှစ်ခန့်ကြာသော်
"ဖေဖေ လင်းဒီနေ့တက္ကသိုလ်စတက်ရမှာ နောက်မကျချင်ဘူး လိုက်ပို့တော့နော်"
လင်းကတော့ပြင်ဆင်ပြီးနေပြီး ဖေဖေကတော့အခုထိ ခပ်နှေးနှေးလုပ်နေသဖြင့် လင်းနောက်ကျမှာပူပန်နေမိသည်။
"အင်းပါ သမီးလေးရယ်...အခုပဲပို့မလို့ပါ"
"ဟုတ်ဖေဖေ..နောက်ရက်တွေကျလင်းဘာသာသွားမယ်....ဖူးမြတ်လည်းအဖော်ပါတယ်လေ"
"သမီးသဘောပါ..ကဲကဲ အခုတော့သွားရအောင်နော်"
"ဟုတ်"
လင်းဖေဖေကကျောင်းရှေ့ထိလိုက်ပို့သည်။
ဖူးမြတ်ကိုလည်းကျောင်းအပြင်မှာစောင့်မယ်လို့ပြောထားသဖြင့် ကျောင်းဝန်းထဲမဝင်ဘဲအပြင်မှာဘဲစောင့်နေလိုက်သည်။ဖေဖေ့ကိုတော့ပြန်လွှတ်လိုက်သည်။
"ရောင်စဉ်..နင်ကစောလှချည်လား"
"စောရမယ်..ဒါနဲ့နင်မမယုနဲ့လာတာလား"
ခဏကြာတော့ကားပေါ်မှမမယုဆင်းလာသည်။
"နှစ်ယောက်စလုံးလိုက်ပို့ရဦးမလား...လင်းတို့ကအခုမှစရောက်ဖူးတာဆိုတော့ နေရာတွေသိမှာမဟုတ်သေးဘူး မမပဲလိုက်ပို့ပေးမယ်"
"ကောင်းတာပေါ့ မမယုရဲ့"
"လင်းလေးရောဖူးမြတ်ရော မေဂျာတူဆိုတော့အဖော်ရတာပေါ့..တော်ပါသေးရဲ့...မဟုတ်ရင် အဖော်သစ်တွေရှာနေရဦးမှာ"
"ဟုတ်ပါ့ မမယုရယ် လင်းတို့နှစ်ယောက်ကံကောင်းသွားတာ.. မမယုနဲ့လည်းမေဂျာတူတော့စာမသိရင်မမယုကိုမေးမယ်နော်"
"မမယုလားစာတွေမှတ်မိမှာ..သူကအပျင်းရယ်..ဘာမှမှတ်ထားမှာမဟုတ်ဘူး"
"မမယုက ဉာဏ်ကောင်းတယ်မဟုတ်လား..မှတ်မိမှာပါ..နော်..မမယု"
မမယုကတော့ရယ်သည်။မမယုနာမည်က ယုယစိမ်း။မမယုကအတော်လေးလှသည်။လှဆိုကျောင်းမှာလည်းqueenရခဲ့တာကိုး။အသားဖြူဖြူ ပိန်ပိန်သွယ်သွယ်နှင့်ခန္ဓာကိုယ်လည်းလှသည်။မရှည်လွန်းမပုလွန်းတဲ့အရပ်နဲ့ ခါးကျော်ကျော်ဆံပင်များကြောင့်မြင်သူတိုင်းငေးရသည့်အလှမျိုးဖြစ်သည်။မမယုမှာသခင်နဲ့တူတဲ့အချက်တစ်ချက်ရှိလေသည်။တည်တည်ငြိမ်ငြိမ်နေတတ်ခြင်းပဲ။မမယုက သိကျွမ်းတဲ့သူများနဲ့သာအနည်းငယ်ဖော်ရွေသည်။ဘေးသူစိမ်းဆိုပြုံးတောင်မပြတတ်။ဒါပေမဲ့ လင်းကိုတော့မမယုက သူ့ညီမလိုပင်ခင်မင်ပါသည်။
YOU ARE READING
သခင် (Completed)
Romanceသခင်... ရက်စက်တဲ့သခင်... ဒဏ်ရာတွေပေးတဲ့သခင်... အမုန်းတွေသာပေးခဲ့တဲ့သခင်.... နှလုံးသားရဲ့သခင်...
