Unicode
"လာ အစ်မ အစ်မနေရမဲ့အခန်းထဲပစ္စည်းတွေသွားထားရအောင်"
လင်းပြောလည်းပြော လက်ကနေလည်းသူ့ရဲ့အထုပ်အား မ,ယူလိုက်သည်။
"နွယ်ကလေး"
ခုနတုန်းကတောင်နွယ်လေးလို့ခေါ်မယ်လို့ပြောထားတဲ့သူ့ဆီမှ ထိုအခေါ်အဝေါ်ကြောင့် သူ့ကိုပြန်ကြည့်မိလိုက်၏။
"ကျွန်မကိုခေါ်တာလားဟင်"
"ဟုတ်တယ်လေ...အစ်မ မင်းကိုနွယ်ကလေးလို့ခေါ်မယ်...မင်းကတော့ အစ်မလို့မခေါ်ပါနဲ့..သူစိမ်းဆန်ပါတယ် နာမည်တစ်ခုခုခေါ်ပါ"
သူ့ကိုကြည့်ရတာနွေးထွေးလိုက်တာ။အပြောအဆိုလေးကလည်းနူးညံ့၏။သခင်လည်းအပြောအဆိုပြေပြစ်နူးညံပြီးသာယာနာပျော်ဖွယ်စကားများပြောတတ်သည်။သို့သော် ကိုယ့်ကိုတော့သခင်က ဘယ်တော့မှနူးနူးညံ့ညံ့မပြောခဲ့ပါ။
"ဒါဆို မမဇွန်လို့ခေါ်မယ်နော်"
"အွန်း အဲ့လိုလေးခေါ်ပါ"
"ဟုတ်"
လင်းသူ့အထုပ်တွေကိုယူကာ သူနေရမဲ့အခန်းထဲသယ်သွားလိုက်သည်။သူလည်းနောက်ကနေ လင်းနဲ့မကွာလိုက်လာ၏။
"ဒါ မမဇွန်နေရမဲ့အခန်းပါ...မနေ့ကတည်းကသန့်ရှင်းထားတာ"
"ကျေးဇူးပါနော်"
"ရပါတယ်မမဇွန်ရဲ့...ဪ..ညကျရင် သခင်နဲ့မိတ်ဆက်ပေးမယ်နော်"
"အင်းအင်း"
ပြောသာပြောရပေမဲ့ သခင်ကလက်ခံပါ့မလားမသိပါ။
"ဒါဆိုလည်းခဏနားလိုက်ပါဦးနော်"
"အင်းပါ..မမဇွန်ကိုဧည့်သည်လိုသဘောထားမနေနဲ့ဟုတ်ပြီလား"
"ဟုတ်ကဲ့"
"နောက်ပြီး ထမင်း ဟင်းလည်း မမဇွန်ပဲချက်မှာနော်..နွယ်ကလေးချက်စရာမလိုတော့ဘူး"
"တကယ်လား"
လင်းဟန်တောင်မဆောင်မိလိုက်ပါ။ကိုယ့်ဘာသာချက်တာတွေကတစ်ခုမှအဆင်မပြေလှပါ။ဒါကြောင့် သူချက်ပေးမယ်ဆိုတော့တကယ်ပဲဝမ်းသာသွားမိသည်။
ပြောပြီးမှအားနာစိတ်ကဝင်လာသည်။
"ရပါတယ် မမဇွန် လင်းဘာသာချက်ပါ့မယ်"
YOU ARE READING
သခင် (Completed)
Romanceသခင်... ရက်စက်တဲ့သခင်... ဒဏ်ရာတွေပေးတဲ့သခင်... အမုန်းတွေသာပေးခဲ့တဲ့သခင်.... နှလုံးသားရဲ့သခင်...