Unicode
"လွန်း မောင်ဒီမှာ"
ခပ်လှမ်းလှမ်းကနေလက်ခါပြကာ ခေါ်နေသောမောင့်ကြောင့်မောင်ရှိတဲ့ဆီသို့ခပ်သွက်သွက်လေးလှမ်းလိုက်မိသည်။
မောင့်ဟန်ကလေးဟာပြုံးပျော်နေသယောင်ဟုထင်ရသည်။မောင်ဟာဒီနေ့မှလေ အရင်နေ့တွေထက် ရွှင်ပြနေသယောင်။မောင့်ရဲ့အခုလိုမျက်နှာလည်းညှိုးငယ်သွားမှာမလိုချင်ပါ။ဒါပေမဲ့မကြာတော့တဲ့အခြေအနေမှာ မောင်ဟာသေချာပေါက်မပြုံးမရွှင်ဖြစ်ရတော့မည်။ဒါတွေအားလုံးဟာဟိုသားအဖကြောင့်သာ။အထူးသဖြင့် အဲ့ဒီမိန်းကလေးကြောင့်သာ။ပြီးတော့ကိုယ့်ကြောင့်။
"လွန်းအတွက်မောင်ကော်ဖီမှာထားတယ်နော်လွန်း"
မောင့်စကားကိုလျစ်လျူရှူလိုက်ရင်း သခင်ပြောချင်တဲ့အကြောင်းအရာကိုသာဦးတည်လိုက်သည်။
"ကျွန်မမောင့်ကိုပြောစရာရှိလို့ ချိန်းလိုက်တာပါ"
"ပြောလေ လွန်းရဲ့"
လာချသောကော်ဖီတစ်ခွက်ကိုသာ ငေးကြည့်ရင်း မောင့်မျက်နှာကိုတော့လျစ်လျူရှူထားရပြန်သည်။အခုအချိန်မှာ မောင့်မျက်နှာကို မကြည့်ရက်ပါ။ဒါပေမဲ့ အဖြစ်မနေရင်ဆိုင်ဖြစ်မဲ့အခြေအနေတွေပဲမဟုတ်လား။
"ကျွန်မတို့လမ်းခွဲမှဖြစ်မယ်မောင်"
"မောင့်ကိုမနောက်ပါနဲ့လွန်း..မောင့်ကိုဒီလိုစတာမောင်စိတ်ဆိုးတယ်"
မောင့်မျက်ဝန်းမှာအံ့ဩမှုကလေးတစ်စွန်းတစ်စတော့ဖြတ်ပေးသွားတာကိုသတိထားမိလိုက်သည်။ ထပ်ပြောမဲ့စကားတွေကိုသာမောင်ကြားရင် မောင်ရဲ့ဖြစ်သွားနဲ့အမူအရာကို တွေးမကြည့်ဝံ့ပါ။မောင်က
သခင့်ကိုသိပ်ချစ်တာသိသည်။မောင့်အနေနဲ့ သိပ်ကို အံ့ဩထိန့်လန့်ရမည်မဟုတ်လား။
"မောင့်ကိုစနေတာမဟုတ်ဘူးမောင်..တကယ်ပြောနေတာ...ကျွန်မ ဒီတစ်ပတ်ထဲလက်ထပ်ရတော့မယ်"
"လွန်း...မောင့်ကိုဘယ်လိုတွေပြောနေတာလဲကွာ"
သခင်တို့ထိုင်တဲ့ဆိုင်ကလေးဟာတိတ်တိတ်ဆိတ်ဆိတ်လည်းရှိလှသည်။
စားပွဲဝိုင်းလေးတွေဟာသုံးခုလောက်သာရှိ
သည့်အပြင် တစ်ဝိုင်းနဲ့တစ်ဝိုင်းဟာ အနည်းငယ်ဝေးကွာသဖြင့် သခင်တို့ပြောစကားတွေကိုတော်ရုံဖြင့်မကြားနိုင်ပါ။လမ်းဘေးဆိုင်လေးဖြစ်သဖြင့် အမိုးအကာကလည်း သစ်ပင်ကလေးဆိုတော့လေအေးအေးလေးတွေတိုက်ခတ်နေသည်။ဒီလိုအချိန်အခါလေးဟာ ချစ်သူနှစ်ဦးချစ်စကားကြိုက်စကားလေးတွေသာဖွဲ့နွဲ့သင့်သည်မဟုတ်လား ။အခုများတော့.....
YOU ARE READING
သခင် (Completed)
Romanceသခင်... ရက်စက်တဲ့သခင်... ဒဏ်ရာတွေပေးတဲ့သခင်... အမုန်းတွေသာပေးခဲ့တဲ့သခင်.... နှလုံးသားရဲ့သခင်...
