"ဘာကြည့်တာလဲ"
သခင်ဆူငေါက်ငေါက်လေးပြောလိုက်တော့ ယောင်ရမ်းကာအကြည့်လွှဲသွား၏။
"ဟင်..ဘာကြည့်တာလဲလို့"
"အစ်မ သခင့်ကိုသိလားဟင်"
သူချက်ချင်းမျက်နှာပျက်သွား၏။သခင်ဆိုတဲ့နာမည်ကြားလိုက်တာနဲ့သူ့မျက်နှာပျက်ပျက်သွား၏။
"မသိပါဘူးကလေးရယ်..မင်းပြောတဲ့ သခင်ဆိုတာ အပြင်မှာလည်းမရှိပါဘူး"
"ဘာလို့မရှိရမှာလဲ..ဆေးရုံမှာကျွန်မသတိရလာတဲ့နေ့တုန်းက အိမ်ကိုလာလာနေတဲ့အစ်မက သခင့်ကိုသိလားလို့မေးခဲ့တာလေ"
သခင်ဘာပြန်ပြောရမလဲမသိတော့။သခင့်ကိုမသိဘူးလို့ပဲ ညာထားရမှာပဲမဟုတ်လား။အခြားပြောစရာစကားမှရှိမနေခဲ့တာေလ။
"မမတော့မသိဘူး..မင်းသိရင်တော့ မပြောတတ်ဘူး..မမတော့တစ်ခါမှမကြားဖူးပါဘူး"
"အစ်မ မသိလည်း သူများပဲမေးရုံပေါ့"
စိတ်ဆိုးကာ ထသွားသည်။သူအခုလိုမျိုးရစ်တဲ့အခါမျိုးဆိုရင် တကယ်စိတ်ညစ်ပါသည်။
ကိုယ်ကသခင်ပါဆိုတာကိုဘယ်လို ပြောရမလဲ။သူ့ရဲ့အသိစိတ်နဲ့သိသွားတာမျိုးပဲလိုချင်ပါသည်။သူသာ သခင့်ကိုပြန်မှတ်မိသွားရင် သခင့်ကိုမုန်းချင်လည်းမုန်းသွားနိုင်သည်။ဒါတော့ သခင်လည်းလုပ်ယူလို့ရတဲ့အရာမဟုတ်တာမို့မတတ်နိုင်ပါ။အတုံ့အလှည့်ပဲပေါ့ကလေးရယ်။မင်းချစ်နေတုန်းက မမကမင်းကိုမုန်းနေခဲ့တာပဲလေ။မမကမင်းကိုချစ်နေတဲ့အခါကျ မင်းမုန်းနေရင်လည်းကျေကျေနပ်နပ်နဲ့ခံရုံပဲပေါ့။ဝဋ်ဆိုလည်းလက်ခံရမှာပဲပေါ့ကလေးရယ်။
"မမဝင်လာမယ်နော်"
"မလာခဲ့နဲ့"
သေချာပေါက်အခန်းထဲမှာ စူပုတ်နေတော့မည်။အရင်တုန်းက အလင်းနဲ့ အခုအလင်းဟာ တစ်ခြားစီဖြစ်သွားသည်။ ခံစားချက်တွေပါ ဆန့်ကျင်ဘက်ဖြစ်သွားမှာကိုတော့သိပ်ကိုကြောက်မိပါ၏။
"မမဝင်လာပြီ"
"မလာခဲ့နဲ့လို့ပြောနေတာကို"
သူကမဝင်ခဲ့ဖို့ပြောပေမဲ့ ဇွတ်ဝင်သွားလိုက်သည်။အရင်တုန်းကနဲ့အမူအရာတွေအပြောအဆိုတွေမတူတော့ပေမဲ့ အလင်းလေးဟာ ဘယ်တော့မှမရိုင်းတတ်ပါ။သူ့ကိုယ်သူမသိပေမဲ့ ကလေးဟာ ပင်ကိုအသိဉာဏ်တော့ရှိနေသည်။
YOU ARE READING
သခင် (Completed)
Romanceသခင်... ရက်စက်တဲ့သခင်... ဒဏ်ရာတွေပေးတဲ့သခင်... အမုန်းတွေသာပေးခဲ့တဲ့သခင်.... နှလုံးသားရဲ့သခင်...