ဒီနေ့ ကိုယ့်မွေးနေ့ဖြစ်သောကြောင့်သခင်နဲ့အတူတူဘုရားသွားကာ ကုသိုလ်ယူခဲ့ကြသည်။"သခင်"
"ဟင်"
"ဘာတွေဆုတောင်းခဲ့တာလဲ"
"မမရဲ့ အလင်းတန်းလေး အသက်ရှည်ကျန်းမာစေဖို့ပေါ့"
"နောက်တစ်ခါ ကျွန်မအတွက်ဆုမတောင်းနဲ့..သခင့်အတွက်ပဲသခင်ဆုတောင်းပါ သခင်ရဲ့"
"မင်းလည်း မမအတွက်ပဲဆုတောင်းခဲ့တာမလား"
ကိုယ့်စိတ်ကိုသခင်သိနေခဲ့တာလား။
ပြီးတော့ သခင်ကယုံကြည်နေခဲ့သည်။တစ်နည်းအားဖြင့် သခင့်အပေါ်ထားတဲ့ကိုယ့် အချစ်တွေကို သခင်မြင်နိုင်ခဲ့တာပဲ။"အဲ့ဒါကတော့ကျွန်မကိုယ်ကျွန်မထက် သခင့်ပိုပိုချစ်လို့ကို"
"မမလည်း မင်းလိုပဲပေါ့"
သခင့်မျက်နှာလေးကအေးချမ်းနေရောပဲ။တစ်ချိန်က အမြဲလိုလိုအလိုမကျဖြစ်နေတဲ့ မျက်နှာမျိုးမဟုတ်တော့။သခင့်စိတ်ထဲ အပူအပင် အငြိုးအတေးတွေကင်စင်သွားခဲ့လို့ဖြစ်မှာပါ။
"ကြားထဲမှာ မမမေးမလို့ဆိုပြီးမမေးမိခဲ့ဘူး"
"ဘာများလဲသခင်"
"ဟိုးအရင်တစ်ခါတုန်းက မမမွေးနေ့မှာ မမအတွက်ဝတ္ထုငွေကို မမနာမည်နဲ့လှူခဲ့သေးတယ်မလား"
"သခင် ဘယ်လိုသိတာလဲ"
"အဲ့ဒီနေ့က မမ မင်းကိုမြင်ခဲ့တယ်လေ..ဇွန်ဦးခိုင်ဆိုတဲ့တစ်ယောက်လည်းမင်းဘေးမှာပါတယ်လေ"
သခင်သိခဲ့တာပဲ။ဘာပဲဖြစ်ဖြစ်ပျော်မိပါသည်။
အဲ့ဒီအချိန်တွေတုန်းကသခင်က ကိုယ့်ကိုမုန်းနေခဲ့တာေတာင် သူ့အပါ်မှာမေတ္တာမပျက်ခဲ့ဘူးဆိုတာ သခင်သိလောက်မှာပါ။"ဟုတ်တယ် သခင်ရဲ့ အဲ့ဒီနေ့က ကျွန်မသခင့်ကိုမြင်တယ်လေ...နှုတ်မှမဆက်ရဲခဲ့တော့..ဒီအတိုင်းလေးပဲကြည့်နေခဲ့ရတာ"
"အခုတော့ မမကိုကြောက်စရာမလိုတော့ဘူးနော်"
"မကြောက်ပါဘူး...ချစ်တာ"
"စကားတတ်လေး"
***
ဒီနေ့သခင့်ကိုလက်ထပ်ခွင့်တောင်းရမည်။လက်ထပ်ပြီးသားဆိုပေမဲ့ အရင်တုန်းက
သခင့်ဆန္ဒမှမပါဝင်ခဲ့တာ။အခုညချမ်းလေးမှာ မွေးနေ့လည်းဖြစ်လို့ အမှတ်တရလည်းဖြစ်ချင်မိသည်။သခင်စိတ်လိုလက်ရလက်ခံတဲ့ အတည်ပြုမှုလေးလိုချင်မိသည်။
YOU ARE READING
သခင် (Completed)
Romanceသခင်... ရက်စက်တဲ့သခင်... ဒဏ်ရာတွေပေးတဲ့သခင်... အမုန်းတွေသာပေးခဲ့တဲ့သခင်.... နှလုံးသားရဲ့သခင်...