Unicode
"အပင်လေးတွေကလှလိုက်တာ"
မှာထားတဲ့ပန်းပင်တွေကမနက်ကတည်းကရောက်နှင့်နေသော်လည်း အတန်းသွားရသေးသဖြင့် အခုညနေမှစိုက်ဖြစ်၏။အပင်အားလုံးပေါင်း၇ပင်ရှိသည်။သခင့်အတွက်တော့ဘယ်လိုနေမယ်မသိပေမဲ့ သခင့်အတွက်ရည်ရွယ်ပြီးစိုက်နေတာမို့ပျော်နေမိသည်။
ပန်းအိုးခင်းထဲထည့်စိုက်တာထက်မြေကြီးမှာတူးစိုက်ရင်ပိုပြီးဖြစ်ထွန်းမယ်လို့ယူဆမိတာကြောင့် ပန်းအိုးခင်းဖြင့်မစိုက်ပါ။
ခပ်မာမာမြေကြီးကိုတူးရွင်းအသေးလေးဖြင့်တူးနေရသဖြင့် လက်တွေလည်းအတော့်
ကိုနာကျင်လာသည်။တစ်ချို့နေရာဆိုပေါက်ပြဲကာ အရေကြည်ဖုလေးများထွက်ပေါ်နေသည်။
"၃ပင်တောင်ကျန်သေးတယ်"
ကိုယ့်ဘာသာတစ်ကိုယ်တည်းရေရွတ်လိုက်သည်။
ခြေသံကြားသဖြင့်လှည့်ကြည့်လိုက်တော့ မမဇွန်။သူလည်းကျောင်းကပြန်လာခါစထင်ပါရဲ့။
"ပန်းပင်စိုက်နေတာလား နွယ်ကလေး"
"ဟုတ် မမဇွန်"
"အများကြီးကျန်သေးတာပဲ မမဇွန်ကူစိုက်ပေးမယ်"
"ရပါတယ်မမဇွန် လင်းဘာသာပဲစိုက်လိုက်မယ်"
"ကဲပါ အားနာစရာမဟုတ်တာကို...မမဇွန်တူးပေးမယ်..လက်ကလည်းနီရဲနေတာကို"
လက်ကနာသဖြင့်ခဏခဏခါနေရသည်။ဒါကိုမမဇွန်မြင်သွားသည်။
"ဟို..ရတယ်မမဇွန်..ဒီပန်းပင်တွေက ညမွှေးပန်းပင်တွေလေ ...သခင်က ညမွှေးပန်းဆိုသိပ်ကြိုက်တာ.. အဲ့ဒါကြောင့်သခင့်အတွက်စိုက်နေတာ"
"ချစ်တတ်လိုက်တာနော်"
မမဇွန်စကားကြောင့်ရှက်စိတ်တော့ဝင်မိသား။ဒါပေမဲ့မသိဟန်ဆောင်ကာ မြေကြီးကိုဆက်တူးနေလိုက်သည်။
"အ"
လက်ကတော်တော်ကိုပူထူနေပြီ ။
"ကဲ ပေးပါ လက်ကနာနေပြီကို"
မမဇွန်ကလက်ကိုယူကာ ဖြန့်ကြည့်သည်။
"အို..ရဲတွတ်နေတာပဲ..ပေးပါ ..နွယ်ကလေးရယ် မမဇွန်တူးပေးပါ့မယ်"
ESTÁS LEYENDO
သခင် (Completed)
Romanceသခင်... ရက်စက်တဲ့သခင်... ဒဏ်ရာတွေပေးတဲ့သခင်... အမုန်းတွေသာပေးခဲ့တဲ့သခင်.... နှလုံးသားရဲ့သခင်...
