May mga oras na nais kong maging ilog.
Dadaloy lamang.
Aagos patungo sa isang nakalulunod na dagat.
Nga lang, ako'y malaya.
Ngunit mas mahalaga ba ang kalayaan ko
kaysa sa kanya?
Malamang, hindi.
At may mga oras na magpapaalala sa akin
na mas mabuti pang maging tubig sa akwaryo.
Tahimik, kahit alam kong mapapalitan.
Kahit ako'y nakakulong.
Dahil oo, mas pipiliin kong itapon
o di kaya'y kumalat at mapunasan
kapag nabasag na ang akwaryo . . .
kaysa ang makita siyang tumangis.
Katulad ngayon.
YOU ARE READING
Mga Lihim na Liham ni Maria Kina Juan at Juana
PoetryKatulad ng pamagat, nakikiusap ang manunulat na panatilihin munang lihim ang tipon ng mga tula na ito. Nais muna niyang magulumihanan, sumaya't masaktan habang unti-unting hinuhulma ang hindi tiyak na hinaharap ng kanyang pag-ibig. Kasing gulo ng...