Wala masyadong kaganapan noong Pasko.
Nais ko lamang na tayo ay tahimik na magdiwang.
At nang napatingin ako sa iyo,
biglaan ko na lamang nasabi
ang tatlong katagang
iniiwas-iwasan kong banggitin—
"Mahal din kita."
Bakit nga ba?
Hindi ko batid ang nasa aking pag-iisip.
Bigla akong nagsisi . . .
Lalo na nang hindi na matanggal
ang iyong mga ngiti,
tila iyong sinasabi
na ang tatlong salitang ito
ay sapat nang regalo.
YOU ARE READING
Mga Lihim na Liham ni Maria Kina Juan at Juana
PoetryKatulad ng pamagat, nakikiusap ang manunulat na panatilihin munang lihim ang tipon ng mga tula na ito. Nais muna niyang magulumihanan, sumaya't masaktan habang unti-unting hinuhulma ang hindi tiyak na hinaharap ng kanyang pag-ibig. Kasing gulo ng...