Hindi ko na itatanong
kung ano ang pag-ibig para sa iyo
sapagkat alam ko namang
ang kahulugan nito
ay iba-iba para sa bawat isa.
Ngunit paano kung
ang pag-ibig para sa akin
ay nangangahulugang
paghanap ng paraan
upang tayo'y magtapo
kahit may mga hadlang at abala
sa iyong dinaraanan
at ang pananatiling tapat
sa mga panahong
hindi mo kakailanganin
ang aking presensiya . . .
Tingin mo ba
ang kahulugan natin ng pag-ibig
ay magtutugma?
YOU ARE READING
Mga Lihim na Liham ni Maria Kina Juan at Juana
PoetryKatulad ng pamagat, nakikiusap ang manunulat na panatilihin munang lihim ang tipon ng mga tula na ito. Nais muna niyang magulumihanan, sumaya't masaktan habang unti-unting hinuhulma ang hindi tiyak na hinaharap ng kanyang pag-ibig. Kasing gulo ng...