Umaga nang tumawag ka.
Nag-usap lamang tayo sa gusto mong agahan
At habang hinihintay ko ang iyong desisyon,
bigla mo na lang tinawag ang aking pangalan.
Tiningnan kita.
Naghintay ng iyong sasabihin.
Hindi ko alam kung bakit sa mga mata mo,
ang nais mong sabihin ay "Mahal kita,"
ngunit ang lumabas sa iyong bibig
matapos ang halos sampung segundo ay
"Gusto kita."
Kahit papaano ay nakahinga ako nang maluwag.
Naramdaman kong ganoon ang iyong sasabihin,
ngunit buti na lang ay mas mababa ito
kaysa sa aking inaasahan.
Ngunit napaisip ako . . .
Paano kung iyon ang iyong itinanong?
Ano nga ba ang aking isasagot?
"Masyadong mabilis"?
"Hindi pa ako handa"?
"Sapat na ang ganito"?
O . . .
"Mahal din kita"?
YOU ARE READING
Mga Lihim na Liham ni Maria Kina Juan at Juana
PoetryKatulad ng pamagat, nakikiusap ang manunulat na panatilihin munang lihim ang tipon ng mga tula na ito. Nais muna niyang magulumihanan, sumaya't masaktan habang unti-unting hinuhulma ang hindi tiyak na hinaharap ng kanyang pag-ibig. Kasing gulo ng...