T'wing ikaw ay aking kasama,
nag-aagaw ang dilim at ang liwanag.
Bagamat siya'y iyong nakaraan na lamang,
ako pa rin ay madalas binabagabag.
Wala nga tayong inaagrabyado,
ngunit mayro'n tayong masasaktan.
Kumawala na raw ako habang maaga pa,
ngunit ang ligaya ko'y ang iyong mahagkan.
Patawad kung minsan ay aking naiisip,
tama ba ang manatili sa iyong piling?
Sa mga dapithapon na tayo'y magkasama . . .
mali ba na ito ay aking maging hiling?
ŞİMDİ OKUDUĞUN
Mga Lihim na Liham ni Maria Kina Juan at Juana
ŞiirKatulad ng pamagat, nakikiusap ang manunulat na panatilihin munang lihim ang tipon ng mga tula na ito. Nais muna niyang magulumihanan, sumaya't masaktan habang unti-unting hinuhulma ang hindi tiyak na hinaharap ng kanyang pag-ibig. Kasing gulo ng...
