Chapter 9
NAGISING si Joey dahil sa pakiramdam na may nakatitig sa kanya. Unti-unti niyang iminulat ang mga mata at ang gwapong mukha ni Luis ang sumalubong sa kanya.
"Good Morning." Nakangiting bati nito nang makitang gising na siya.
"Aga mong manggising, Bossing." Inayos niya ang kumot sa katawan at muling pumikit.
"Hindi naman kita ginising, ah."
"You're staring at me."
"Because you look cute when you're asleep. Mukha kang maamong tupa."
"Baliw ka talaga!" Nangingiting sagot niya. Pilit ikinukubli ang kilig.
"At ang bait mo when you're half asleep, unlike when you're fully awake. Ang Amazona mo."
"Kulang ka lang sa tulog, matulog ka pa." Aniya. Tinapik pa ang espayo sa kama.
"I did not sleep." Natatawang sagot nito.
Agad niyang iminulat ang mga mata. She's now fully awake. "Why?"
Nagkibilit-balikat lang si Luis. "Excited. Come, I cooked breakfast." Yaya nito sa kanya.
"Nagluto ka? Weh? In-order mo lang niyan, eh. Naku, huwag ako, Bossing." Hindi naniniwalang sagot niya. Bumangon na siya at inayos ang pagkakatali ng buhok.
"Ako nga ang nagluto. And mind you, hindi ako nakasunog." May pangbubuska sa tinig nito.
Muntik na naman kasing masunog ang pritong manok na ulam nila kagabi.
Umingos siya. "Yabang mo, ah!"
"C'mon, I have to go to the Firm and MLS, I'll file a leave." anito. Napangiti naman siya sa sinabi nito.
Mabuti na lang at nakinig ito sa kanya na pansamantalang magleave sa trabaho. Imbes na mabawasan kasi ang mga problema nito dahil sa pagquit nito sa Tan&Sy ay mas lalo pang nadagdagan dahil sa Lola nito at ang kung sino mang nagpapadala ng death threats dito.
Sabay na nagtungo sila sa dining table kung saan nakahanda na ang mga niluto nito.
"Wow!" Bulalas niya nang makita ang mga iniluto nito. "Yung totoo, Bossing, breakfast lang ba 'to o hanggang hapunan na natin? Ang dami mong iniluto!"
Umupo na siya sa harap ng hapag kainan, umupo na din si Luis sa harapan niya.
"Napansin ko kasi na malakas kang kumain kaya dinamihan ko na."
"Nilalait mo ba ako?"
"Of course not! Nagsasabi lang ng totoo."
"Aba't!" Itinutok niya dito ang sandok. "Umayos ka, sasapakin kita."
Naiiling na lang si Luis sa kanya habang pangiti-ngiti siyang pinapanood.
"Gustong-gusto mo talaga ang prito, no?" Nakangiting tanong ni Luis.
Napatigil naman siya at nilunok ang kinakain. Kapagkuwam ay napangiti. "Simula kahapon, prito ang kinakain natin." Natatawang sabi niya.
"Yeah, magmumukha na tayong pinirito niyan." anito.
"Sige, mag sabaw naman tayo mamaya. Anong gusto mong ulam, Bossing?" Tanong niya at nagpatuloy sa pagkain.
"Ikaw." Nasamid siya sa isinagot nito.
Inabutan siya nito ng juice na agad niyang ininom. Nang maayos na ang pakiramdam ay sinamaan niya ito ng tingin.
"Ngingiti-ngiti ka diyan!" Sinipa niya ang paa nito sa ilalim ng mesa.
