"Bossing, kalas na. Nanlalagkit na ako, promise!" PILIT na inaalis ni Joey ang pagkakayakap sa kanya ni Luis pati na din ang hita nito na nakapalupot sa kanya.
Ayaw pa siya nitong paalisin sa tabi nito ngunit hindi na talaga niya kayang tiisin ang panlalagkit ng katawan at ang pangangati ng mukha dahil sa make-up na hindi na niya nagawa pang tanggalin kagabi.
"Alright, alright." Usal nito kaya tumigil na siya sa pagpupumiglas. Tinanggal lang nito ang binti na nakapatong sa kanya ngunit hindi pa rin siya nito pinapakawalan mula sa mahigpit na pagkakayakap.
"Bossing!" Naiinis nang usal niya at kinurot ito sa tagiliran.
"Ouch, babe! That hurts..." nakasimangot na reklamo nito habang hinihimas ang nasaktang tagiliran. Nakonsensiya naman siya sa ginawa kaya mabilis na hinalikan niya ito sa mga labi.
Hindi iyon inaasahan ni Luis kaya nakawala siya dito at mabilis na bumangon para magtungo sa banyo.
NAKANGANGA si Joey habang pinagmamasdan ang katawan sa full-length mirror sa loob ng banyo.
Mula sa sariling repleksyon ay kitang-kita niya kung paanong namula ang mukha niya nang makita ang mga markang iniwan ni Luis sa katawan niya.
Luis owned her body last night. They didn't went all the way but for Joey, it's still just the same. He already marked her.
Alam niyang magmamarka ang mga halik at pagkagat ni Luis sa katawan niya ngunit hindi niya inaasahan na ganoon iyon kadami!
Halos wala ng pagitan ang mga pulang marka sa leeg niya pababa sa puno ng kanyang dibdib hanggang sa lower abdomen niya. At ayaw na niyang tignan pa isa-isa ang mga 'yon dahil walang pinalampas si Luis kagabi.
"'Tangina! May lahing bampira ata ang hinayupak!"
Ipinagpatuloy na niya pagligo at pinakasabon-sabon ang katawan na tila ba sa ganoong paraan ay mawawala ang bakas na iniwan ni Luis.
Nang matapos ay nagsuot siya racerback bra na terno sa panty niya. Pagkatapos ay nagsuot lang ng bathrobe para maitago ang ibang parte ng katawan.
Pagkalabas niya ay naabutan niya si Luis na nakahiga pa rin sa kama. Hubad ang katawan nito at tanging boxers lang ang nakatakip sa maselang bahagi ng katawan.
Luis is busy with his phone kaya akala niya ay hindi nito napansin ang paglabas niya. Pero nang kukuha na siya ng damit sa closet ay bigla na lang itong nagsalita.
"We'll have dinner sa bahay, Babe."
"Huh? Sa inyo? Anong meron?" tanong niya habang ang atensyon ay sa paghahanap ng damit na pwedeng magtago sa mga kiss marks sa katawan niya.
"Well, I think it's time to finally introduce my girlfriend to them."
"Ahh," tatango-tango pang usal niya pero agad din natigil nang maintindihan ang sinabi nito. Kulang na lang ay mabali ang leeg niya dahil sa marahas niyang paglingon dito. "Girlfriend? Ako?" tanong niya habang ang hintuturo ay nakaturo sa sarili.
"Of course! Sino ba ang girlfriend ko? Ikaw lang naman!" May himig pagka-asar na sagot ni Luis.
"Huh? Pero teka, bakit naman biglaan? At saka 'di ba, kilala naman na nila ako? Hindi na siguro kailangan," nagpa-panic na saad niya.
Hindi naman sa itinatago nila but their relationship was 'almost' a secret. Ang alam nina Aya at Kurt, maging ng ibang mga kaibigan nila na ay bodyguard lang siya ni Luis. Kung may nakakaalam man sa mga nangyayari sa buhay nila ni Luis ay si Arthur lang at alam niyang hindi naman nito iyon ipagkakalat.
