Titulo: Ang sagot na hindi mo matanto
Siya ang hinihiling mo sa kalangitang puno ng bituin.
Siya ang dasal mo sa alapaap ng mapayapang langit.
Ako ang bituing nahulog para tupdin ang iyong hiling.
Ako ang umako upang dalangin mo'y makamit.Siya ang iyong langit na bigay sa iyo ng maykapal.
Ako ang iyong lupa na alay sa iyo ang lahat ng iyong nais.
Siya ang iyong bituin na lumiliwanag sa talas ng kaningningan.
Ako ang kadiliman na bumubulag sa masidhing daing ng iyong puso.Ako nga ba kailan magiging siya?
Tulad mo lang din akong nagmamahal sa maling ligaya.
Ako nga ba ay wala nang magagawa?
Pag-asa pa nga ba'y sa iyo'y matatamasa pa?Kung sakaling mahulog ang bituin.
Hindi masagot ang mga dalangin.
Tuluyang mawalan ng kinang ang iyong tala.
Makikita mo na ba ang aking inaasam-asam na pagsinta?SAVAGEBLOSSOM
WATTPAD2018
ALL RIGHTS RESERVED
------------------------------------------
YOU ARE READING
Tula Ng Sawi
PoetryHindi ko man masabi ang nadarama kong ito sa iyo, Sana madama mo sa bawat liriko ng tulang ito Ang lahat ng ninanais ipabatid ng pusong ito. Sana mabasa mo ito sa panahong nakatakbo na ako Sa masamang panaginip na idinulot mo.