"သွန်း ငါ့ကို make-up လိမ်းပေးပါလား"
ဘယ်တုန်းကမှ မတောင်းဆိုဖူးခဲ့ဘဲ ထူးထူးဆန်းဆန်းတောင်းဆိုနေတဲ့ အိမ့်နဒီ။
အင်္ကျီတွေလည်း လဲထားပြီး သူမပုံစံက အပြင်သွားဖို့ ပြင်ဆင်နေတယ်ဆိုတာ သိသာနေတယ်။
သွန်းနေခြည်က သူမကို ဒီစနေ တနင်္ဂနွေမှာ မအားလောက်ဘူးလို့ ထင်ထားခဲ့ခြင်းပင်။
ဘာကြောင့်လဲဆိုတော့ သူမတို့ Welcome က နောက်အပတ်မှာ ဆိုပြီး သူမတို့အကကို အလောတကြီး မြန်မြန်ဆန်ဆန် တိုက်နေရတယ်လေ။
"အပြင်သွားမလို့လား ငါက နင် အကသွားတိုက်ရမယ်ထင်နေတာ"
သွန်းနေခြည်က သူမရှေ့က ကောင်မလေးရဲ့ မျက်နှာပေါ်ကျနေတဲ့ ဆံပင်တွေကို ဘီးကုတ်နဲ့ အပေါ်ကို လှန်သိမ်းလိုက်ပြီး စပြင်ဆင်ပေးတယ်။
"ကိုလင်္ကာကို ပေးစရာရှိလို့လေ သူတို့ဆိုင်သွားမလို့ ခဏဘဲ ပြန်လာရင် အကသွားတိုက်ရပြန်မှာ"
အိမ့်နဒီဆီမှာ စိုင်းလင်္ကာရဲ့ နာမည်ကို ကြားချိန်မှာတော့ သွန်းနေခြည်ရဲ့ လက်တွေက မသိမသာ တန့်သွားခဲ့တယ်။ ဒါပေမဲ့ သိပ်မကြာခင်မှာဘဲ ဘာမှ မဟုတ်သလို သူမလက်တွေကပြန်ပြီး အိမ့်နဒီရဲ့ မျက်နှာပေါ်မှာ ပြေးလွှားနေပြန်တယ်။
"လိုက်ညွှန်ရမလား"
"ရပါတယ် ခဏနေ မမသူ လာကြိုမှာ"
"မမသူ???"
သွန်းနေခြည်က မျက်ခုံးမွှေးဆွဲနေတာကိုပါ ရပ်လိုက်မိတယ်။ အဲ့ဒါက ဟို မိန်းကလေးလေ။
"ချစ်လွန်းသူလေ သွန်းလည်းသိပါတယ် ဟိုးတစ်နေ့က အိမ့်အကတိုက်တဲ့ဆီမှာ တွေ့တဲ့အမလေ"
"အဲ့အမနဲ့ အရမ်းရင်းနှီးတာဘဲလား"
အိမ့်နဒီ ချက်ချင်း ခေါင်းခါလိုက်တယ်။
"အရမ်းတော့ မရင်းနှီးပါဘူး ဒီနောက်ပိုင်းမှ နည်းနည်းရင်းနှီးလာတာ အရင်ကဆို စကားတောင် ငါးခွန်းပြည့်အောင်မပြောဖူးဘူး"
အိမ့်နဒီက လက်ငါးချောင်းထောင်ပြကာဆိုတယ်။
သွန်းနေခြည် ဘာမှ မပြောဘဲ ခေါင်းငြိမ့်ကာ မျက်ခုံးမွှေးကို ဆက်ဆွဲလိုက်တယ်။
"မနေ့က အကတိုက်တဲ့ဆီက သူ လိုက်ပို့ပေးတာလေ အဲ့မှာ ကိုလင်္ကာက ဖုန်းဆက်လာတာနဲ့ သွားစရာရှိတဲ့အကြောင်းသိသွားတာ အဲ့ဒါကို သူလည်း မနက်ဖြန်အားနေတာ လိုက်ညွှန်မယ်လို့ ပြောလာလို့လေ"
သွန်းနေခြည် ခေါင်းညိတ်လိုက်ပြီး ဘာမှ မပြောတော့ဘဲ အိမ့်နဒီကို ဆက်ပြီး ပြင်ဆင်ပေးလိုက်တယ်။
နောက်ဆုံး ပြင်ဆင်လို့ ပြီးသွားချိန်မှာတော့ ချစ်လွန်းသူလည်း ရောက်လာခဲ့တယ်။
သူမက အခန်းထဲမဝင်ဘဲ အခန်းအပြင်ကနေဘဲ အိမ့်နဒီကို စောင့်နေခဲ့တယ်။
အိမ့်နဒီ ပုံဆွဲစာအုပ်ထဲက စိုင်းလင်္ကာရဲ့ ပုံကို ဆွဲထားတဲ့ ပုံကြမ်းကို ဖြဲယူလိုက်တယ်။
ပြီးတော့ ဖိနပ်ကို ကသုတ်ကရုတ်စီးလိုက်ကာ သွန်းနေခြည်ကို နှုတ်ဆက်လိုက်တယ်။
"သွန်း ငါသွားတော့မယ်နော်"
သူမထွက်သွားတော့ သွန်းနေခြည်က ပစ်စလတ်ခတ် ထားသွားတဲ့ အိမ့်နဒီရဲ့ ပုံဆွဲစာအုပ်ကို သိမ်းပေးဖို့လုပ်လိုက်တယ်။ ထိုအခါမှ သွန်းနေခြည် ပုံဆွဲစာအုပ်ထဲကသူမပုံကို သတိထားမိတယ်။
--------------------
Ps
ဒီနေ့ ကလေးတွေနဲ့ ဆီမီးတစ် ထောင်သွားလွှတ်တာ
ကိုယ်တေက ဆီးမီးတစ်ခွက်လွှတ်ပြီးတိုင်း PDF အောင်မြင်ပါစေ တိုင်းရင်းသားလက်နက်ကိုင်တွေအားလုံးတိုက်ပွဲတိုင်းနိုင်ပါစေ စစ်ဖြစ်နေတဲ့ဒေသက လူတွေအားလုံးကို နတ်ကောင်းနတ်မြတ်တွေ စောင့်ရှောက်ပါစေလို့ စိတ်ထဲကနေဆုတောင်းတာပေါ့
ဒါပေမဲ့ကလေးတွေကတော့အကျယ်ကြီးဆုတောင်းနေတာ
Ma A loe မင်းအောင်လှိုင်မြန်မြန်သေပါစေတဲ့
အဲ့ဒါနဲ့ ကိုယ်လည်း မဖြစ်တော့ဘူးဆိုပြီး အားကျမခံ စစ်တပ်တစ်ခုလုံးတွက်ပါ ဆုတောင်းပေးလိုက်ရတယ် မြန်မြန်မာလကီးယားကြပါစေလို့
