Uni
.
." သမီး ပြန်လာပြီလား... လာဦး ခဏ..''
" ဟုတ်...''
ကိုးချစ် ကျောင်းအပ်ပြီးပြန်လာတော့ အိမ်မှာ ကိုကိုရော မေမေကြည် နဲ့ ဦးဦးချစ်ပါ ရောက်နေသည်။
" သမီးလေး နဲ့ ကိုကိုခန့်ကို စေ့စပ်ပေးထားမလားလို့ ''
" ရှင်...''
ကိုကို့ကို လှမ်းကြည့်လိုက်တော့ ကျေနပ်ပြုံးကြီးနဲ့ ကိုးချစ်ကို စိုက်ကြည့်နေသည်။
...ဘာလဲ... ဒီလူအိုကြီး လက်ချက်ပဲနေမှာ....
" ကိုးချစ်က ငယ်သေးတယ်လေ မေမေ...''
" သမီးက ငယ်ပေမယ့် မေမေက အသက်ကြီးနေပြီလေ... အခုတောင် မေမေ့အသက်က ၅၃ ဖြစ်နေပြီ...''
" ကိုးချစ်မှ ယောက်ျားမယူချင်သေးတာ...''
" ချစ်ချစ်လေး... ''
" နင် အသာနေစမ်းပါ...''
ကလေးက အတင်းငြင်းနေတာမို့ မင်းခန့်ညား ဝင်ပြောမလို့လုပ်တော့ မေမေက တားသည်။
" ကိုးချစ်လေး... မေကြည်တို့က ကိုးချစ်နဲ့ ကိုကိုခန့်ကို စေ့စပ်ပေးထားရုံပဲလေ...သမီး လွတ်လွတ်လပ်လပ်နေလို့ရသေးတယ်...''
" ကိုးချစ် စဥ်းစားပါဦးမယ်... မေမေတို့ကလည်း ဇွတ်ပဲ... ကိုးချစ်ကို အရင်မတိုင်ပင်ကြဘူး..''
ကိုးချစ်က မေမေတို့ကို အပြစ်တင်တော့ မေမေကြည်က ကိုကို့ကို မျက်စောင်းလှမ်းထိုးပေမယ့် ဘာမှတော့ မပြော....
" ကျောင်းမဖွင့်ခင် စေ့စပ်ပေးထားချင်တာ မေမေတို့က... ''
" နင်တို့ကလည်း ကလေးစိတ်မပါရင် မလုပ်ကြပါနဲ့ဦး...''
ဦးဦးချစ်က ကိုးချစ်သဘောမပါဘဲ မလုပ်စေချင်ပုံပါ....
" ဖေဖေ...''
အခုတောင် မနည်းစည်းရုံးရေးဝင်နေရတာကို ဖေဖေက ပိုဆိုးအောင် ဝင်ပြေနေတာမို့ မင်းခန့်ညား သိပ်မကျေနပ်...
" ချစ်သူဖြစ်တာတောင် မကြာသေးဘူး မေမေရဲ့..''
" ဘာမကြာတာလဲ...၆ လကျော်ပြီ ဥစ္စာ...''
မင်းခန့်ညား မျက်နှာကြီးက အုံ့မှိုင်းကာနေသည်။
" စကား သွားပြောပြီးမှ ပြန်လာခဲ့မယ် မေမေ...လာ ကိုးချစ်...''
YOU ARE READING
နှစ်ထောင့်နှစ်ဆယ့်ရှစ် ( ၁၅၀၀ + ၅၂၈ ) ( Complete )
Romantikusရွယ်တူ သူငယ်ချင်းနှစ်ယောက်က မွေးပေမယ့် အသက် ၁၂ နှစ်ကွာတဲ့ ကိုကိုနဲ့အူကြူးလေးတို့အကြောင်း